પંચકુલા, હરિયાણાના પંચકુલામાં એક પંજાબી શિક્ષકે સરકારી શાળાની ધોરણ ૮ની વિદ્યાર્થીનીની છેડતી કરી હતી. આરોપી શિક્ષક ટોફી અને ચોકલેટ આપીને પોર્ન ફિલ્મો બતાવતો હતો. પછી તેમની સાથે દુષ્કર્મ આચરતો હતો. જ્યારે ખબર પડી ત્યારે સંબંધીઓએ સૌપ્રથમ શાળામાં ફરિયાદ કરી.
કોઈ કાર્યવાહી ન થતાં વાલીઓ જાતે જ શાળાએ પહોંચ્યા હતા. તેમને જોઈને શિક્ષકે ત્યાંથી ભાગવાનો પ્રયાસ શરૂ કર્યો. આ જોઈને માતા-પિતાએ શિક્ષકને પકડીને માર માર્યો હતો. તેને પગરખાં અને ચપ્પલનો હાર પહેરાવવામાં આવ્યો હતો. જે બાદ સમગ્ર મામલાની પોલીસને જાણ કરવામાં આવી હતી. રાયપુરરાણી પોલીસે આરોપી શિક્ષક વિરુદ્ધ કેસ નોંધીને તપાસ શરૂ કરી છે. જ્યારે આરોપી શિક્ષકે ભાગવાનો પ્રયાસ કર્યો ત્યારે લોકોએ તેના હાથ પકડી લીધા હતા.
પોલીસની પ્રાથમિક તપાસમાં જાણવા મળ્યું છે કે પંજાબી શિક્ષક બંત સિંહ વિદ્યાર્થીનીઓને પોતાની પાસે બોલાવતો હતો. પછી તેમને ટોફી કે ચોકલેટ આપીને મોબાઈલમાં પોર્ન ફિલ્મો બતાવતો હતો. આ દરમિયાન તે યુવતીઓ સાથે અશ્લીલ હરક્તો પણ કરતો હતો. આરોપી શિક્ષક કહેતો હતો કે છોકરીઓએ પોતાની પસંદના છોકરા સાથે લગ્ન કરવા જોઈએ. તે કોઈની વાતમાં ન આવવું જોઈએ.
પંજાબી શિક્ષક બંત સિંહની હરક્તોથી છોકરીઓ પરેશાન થઈ ગઈ. આથી ૨૬ મેના રોજ તે ઘરે ગઇ હતી અને પરિવારને આ અંગે જણાવ્યું હતું. બીજા દિવસે એટલે કે ૨૭ મેના રોજ છોકરીઓએ આ અંગે શાળાના મુખ્ય શિક્ષકને ફરિયાદ કરી. આરોપ છે કે તેમણે પણ કોઈ કાર્યવાહી કરી નથી. જે બાદ વાલીઓ શાળાએ પહોંચ્યા અને શિક્ષકને ફટકાર લગાવી.
આ બાબતનો ખુલાસો થતાં શિક્ષણ વિભાગમાં દોડધામ મચી ગઈ હતી. ડીઇઓ સતીશ કૌશિકે કહ્યું- તપાસ માટે એક કમિટી બનાવવામાં આવી છે. આ કમિટી ૨ દિવસમાં રિપોર્ટ આપશે. આ અંગે વિભાગના ઉચ્ચ અધિકારીઓને પણ જાણ કરવામાં આવી છે. તપાસ કમિટીના રિપોર્ટ બાદ તરત જ કાર્યવાહી કરવામાં આવશે.