ઈસ્લામાબાદ, પાકિસ્તાનમાં એક બે નહીં પણ પુરા ૧૪ દેશ એક સાથે યુદ્ધભ્યાસ માટે એકઠા થઈ રહ્યા છે. હકીક્તમાં જોઈએ તો, પીએએફ એટલે કે પાકિસ્તાનની વાયુ સેના દ્વારા પોતાના પરિચાલન અડ્ડા પર આયોજીત એક યુદ્ધ અભ્યાસ માટે ચીન અને સઉદી અરબ સહિત ૧૪ દેશોની વાયુ સેના ભાગ લઈ રહી છે. આ યુદ્ધ અભ્યાસ દ્વારા પીએએફનો ઉદ્દેશ્ય પોતાની ક્ષમતાનું પ્રદર્શન કરવાનું છે અને આંતરરાષ્ટ્રીય સહયોગ વધારવાનું. મીડિયા રિપોર્ટ્સમાંથી આ વાત સામે આવી છે.
હકીક્તમાં જોઈએ તો, રવિવારથી શરુ થયેલા આ હવાઈ અભ્યાસમાં અજરબૈઝાન, બહરીન, ચીન, મિસ્ત્ર, જર્મની, હંગરી, ઈંડોનેશિયા, ઈરાન, ઈટલી, કુવૈત, મોરક્કો, ઓમાન, પાકિસ્તાન, ક્તર, સઉદી અરબ, તુર્કીયે, સંયુક્ત અરબ અમીરાત અને ઉઝ્બેકિસ્તાન ભાગ લઈ રહ્યા છે. માનવામાં આવે છે કે, પાકિસ્તાન આ યુદ્ધ અભ્યાસથી દુનિયાને પોતાની તાકાતનો અનુભવ કરાવવા માગે છે.
પાકિસ્તાની સમા ટીવીના સમાચાર અનુસાર આ અભ્યાસ પાકિસ્તાનના વૃહદ હવાઈ યુદ્ધ અભ્યાસોમાંથી એક છે અને તેને આંતરરાષ્ટ્રીય સહયોગને મજબૂત કરવાની સાથે સાથે પોતાની હવાઈ ક્ષમતાઓને વધારવા માટે પીએએફની કટિબદ્ધતાને સાકાર કરવામાં એક મહત્વપૂર્ણ માઈલ સ્ટોન માનવામાં આવે છે.
પાકિસ્તાન વાયુ સેનાએ રવિવારે પોતાના સત્તાવાર એક્સ અકાઉન્ટ પર જણાવ્યું હતું કે, પાકિસ્તાન વાયુ સેનાના ૧૪ રાષ્ટ્રોના હવાઈ યુદ્ધ અભ્યાસ ઈંડ્સ શીલ્ડ ૨૦૨૩ વાયુ સેનાના ડીજીપીઆર એર બેસ પર જોરશોરથી ચાલી રહ્યું છે.