ઇસ્લામાબાદ, ગરીબ પાકિસ્તાન ચીનના ૠણમાં ડૂબી ગયું છે. દેવાના પડછાયા હેઠળ વધતી મિત્રતાને દુનિયા જાણે છે. આવી સ્થિતિમાં જ્યારે પાકિસ્તાન ગરીબીની સ્થિતિથી ઝઝૂમી રહ્યું છે, ત્યારે તાજેતરમાં શાહબાઝ શરીફ સરકારે ફરી સત્તા સંભાળી છે. સત્તા સંભાળતાની સાથે જ શાહબાઝ શરીફે વધુ એક ભારત વિરોધી જાહેરાત કરી છે. શાહબાઝ શરીફ ચીન સાથે ચીન-પાકિસ્તાન ઈકોનોમિક કોરિડોર એટલે કે સીપીઇસી પ્રોજેક્ટને આગળ વધારવા માંગે છે.
ભારત આ પ્રોજેક્ટનો સતત વિરોધ કરી રહ્યું છે. ભારતના વિરોધ છતાં શાહબાઝ આ પ્રોજેક્ટના બીજા તબક્કા પર કામ કરવા માંગે છે. પાકિસ્તાન કપટી ચીનને તેનો ‘લોખંડી ભાઈ’ કહે છે. પાકિસ્તાનના આવા પગલાથી ભારત અને પાડોશી દેશ પાકિસ્તાન વચ્ચેના સંબંધો સુધરી શકે છે.
શેહબાઝ શરીફે તેમના પ્રથમ સંસદીય ભાષણમાં ચાઇના-પાકિસ્તાન ઇકોનોમિક કોરિડોર (સીપીઇસી) પર ચર્ચા કર્યા પછી, શેહબાઝે ચીન સાથેના દ્વિપક્ષીય સંબંધોને વધુ મજબૂત બનાવવા અપીલ કરી હતી. શાહબાઝે ચીનને ‘આયર્ન બ્રધર’ કહ્યું હતું. આ સિવાય તેમણે કહ્યું કે બંને દેશોએ મુશ્કેલીઓ છતાં સહયોગ ચાલુ રાખવો જોઈએ અને સીપીઇસી પ્રોજેક્ટના બીજા તબક્કા તરફ આગળ વધવું જોઈએ. ઈસ્લામાબાદમાં પીએમ ઓફિસમાં ચીનની સરકારી એજન્સી શિન્હુઆ સાથેની ચર્ચામાં તેમણે આ વાત કહી. પાકિસ્તાન અને ચીન વચ્ચેના રાજદ્વારી સંબંધોના ૭૩ વર્ષ પૂર્ણ થવા પર શાહબાઝે કહ્યું કે પાકિસ્તાન અને ચીનના નેતાઓએ સતત દ્વિપક્ષીય મિત્રતા વધારી છે.
શહેબાઝ શરીફે કહ્યું કે પાકિસ્તાન સીપીઇસીના બીજા તબક્કા માટે ચીન સાથે કામ કરવા તૈયાર છે. શાહબાઝે આ કોરિડોર દ્વારા ટેકનોલોજી અને કૃષિ વધારવાની વાત કરી હતી. જો કે તેમનું પગલું સીધું ભારત વિરોધી છે. કારણ કે સીપીઇસી પીઓકેમાંથી પસાર થાય છે, જે ભારતનો ભાગ છે. ભારત હંમેશા આ અંગે વિરોધ કરતું આવ્યું છે.