- પોલીસ પ્રશાસને નૂહમાં બહાર જતી યાત્રાને લઈને મય્યાદ પાસે નાકાબંધી કરી દીધી.
નુહ, નુહના નલહદ મંદિરમાં શાંતિપૂર્ણ રીતે જલાભિષેક કરવામાં આવ્યો હતો. પોલીસે માત્ર નૂહ જિલ્લાના લોકોને જલાભિષેકની પરવાનગી આપી હતી. મંદિરમાં પોલીસના વાહનોમાં જ જઈને જલાભિષેક કરવામાં આવ્યો હતો.
નૂહમાં ૫૧ લોકોનું શાંતિપૂર્ણ જુલુસ નીકળ્યું હતું. મહામંડલેશ્ર્વર સ્વામી ધર્મદેવની આગેવાની હેઠળ સંતો અને હિન્દુ સંગઠનો સાથે જોડાયેલા લોકોએ નલેશ્ર્વર મંદિરમાં જલાભિષેક કર્યો હતો. પટૌડી આશ્રમના મહામંડલેશ્ર્વર સ્વામી ધર્મદેવ અને વિહિરના આલોક કુમાર રાયના નેતૃત્વમાં જલાભિષેક કરવામાં આવ્ય હતો આ પછી આ લોક ફિરોઝપુર ઝિરકા અને સિંગર પહોંચ્યા સિંગરમાં રાધાકૃષણ મંદિરે જલાભિષેક બાદ યાત્રાનું સમાપન થયું હતું પોલીસ સત્તાવાળા પાસે મંદિરમાં જનાર તમામ સાધુ સંતની સંપૂર્ણ યાદી પતાની પાસે રાખી હતી જેની ઉપર નજર રાખવામાં આવી હતી આ સાથે જ મંદિરન દોઢ કિલો મીટરનો વિસ્તાર સંપૂર્ણપણે સીલ કરી દેવામાં આવ્યું હતું. જિલ્લાની તમામ સરહદો પર લગાવવામાં આવેલા નાકાઓ પર ભારે પોલીસ બંદોબસ્ત જોવા મળ્યો હતો. જલાભિષેક યાત્રામાં હિન્દુ-મુસ્લિમ એક્તા જોવા મળી હતી. ભાજપના નેતા ચૌધરી ઝાકિર હુસૈને પણ સંતોની સાથે જલાભિષેક કર્યો હતો.
અધિક પોલીસ મહાનિર્દેશક (કાયદો અને વ્યવસ્થા) મમતા સિંહે કહ્યું કે આ વિસ્તારમાં સ્થિતિ સામાન્ય છે, શાંતિપૂર્ણ વાતાવરણ જાળવવા માટે વિસ્તારમાં ફોર્સ તૈનાત કરવામાં આવી છે. આ વિસ્તારમાં ઈન્ટરનેટ સેવાઓ બંધ કરી દેવામાં આવી છે. એકવાર વિસ્તારમાં બધું સામાન્ય થઈ જશે પછી અમે તમામ પ્રતિબંધો હટાવી લઈશું.
વિશ્ર્વ હિંદુ પરિષદના કાર્યકારી પ્રમુખ આલોક કુમાર, સ્વામી ધર્મદેવ અને અન્યોએ નુહના નલ્હદ મંદિરમાં જલાભિષેક કર્યો હતો. આ પછી ફિરોઝપુરથી ઝિરકા જવા રવાના થયા. અધિક પોલીસ મહાનિર્દેશક (કાયદો અને વ્યવસ્થા) મમતા સિંહે કહ્યું કે કેટલાક સંગઠનો દ્વારા બ્રજમંડળમાં શોભાયાત્રાને લઈને કોલ આપવામાં આવ્યો હતો પરંતુ પ્રશાસને કોઈ સંસ્થાને બ્રજમંડળમાં જવાની પરવાનગી આપી નથી. જિલ્લામાં જલાભિષેકની કામગીરી અવિરત ચાલી રહી છે. આ જલાભિષેક દર સોમવારે કરવામાં આવે છે.ગત સોમવારે પણ ૨૫૦ થી ૫૦૦ લોકોએ મંદિરમાં જલાભિષેક કર્યો હતો. તેવી જ રીતે આજે પણ સ્થાનિક લોકો દ્વારા નળેશ્ર્વર મંદિરમાં જલાભિષેકનો કાર્યક્રમ રાખવામાં આવ્યો હતો
જો કે ભાજપના નેતા મોતીરામ શર્માને પોલીસે કસ્ટડીમાં લીધા છે. મોતીરામ શર્મા શોભાયાત્રા આયોજક સમિતિના સભ્ય છે. આગરા ચોક સહિત તમામ મુખ્ય ચોક પર પોલીસ તૈનાત છે. નૂહ તરફ જતા દરેક રસ્તા પર પોલીસ છે. નાકો ખાતે ચેકિંગ કરવામાં આવી રહ્યું છે. હિન્દુ સંગઠનોના મુખ્ય કાર્યર્ક્તાઓની અટકાયત કરવામાં આવી છે.નૂહમાં, પોલીસે વિશ્ર્વ હિન્દુ પરિષદના કાર્યકારી પ્રમુખ આલોક કુમારને અદબર ચોક ખાતે મંદિરમાં જતા અટકાવ્યા હતા. આ દરમિયાન આલોક કુમારે કહ્યું કે તેમને કોઈ રોકી શકશે નહીં, તેઓ ત્રણેય મંદિરોમાં જઈને જલાભિષેક કરશે, જોકે જલાભિષેકની યાત્રા પગપાળા નહીં પરંતુ કાર દ્વારા કરવામાં આવશે.
નૂહ હિંસા પર ગૃહમાં ભારે હોબાળો થયો હતો. વિપક્ષ ચર્ચાની માંગણી પર અડગ હતો જેના પગલે ગૃહની કાર્યવાહી અડધા કલાક માટે સ્થગિત કરવામાં આવી હતી. કોંગ્રેસે આ મામલાની હાઈકોર્ટના જજ દ્વારા તપાસ કરાવવાની માંગ કરી છે. વિપક્ષના નેતા ભૂપેન્દ્ર સિંહ હુડ્ડાએ કહ્યું કે જો આ એક સુવિચારિત ષડયંત્ર છે તો તપાસમાં જનતાને ખબર પડશે. બીજી તરફ, બીજેપી ધારાસભ્ય સત્યપ્રકાશે કોંગ્રેસના ધારાસભ્ય મમન ખાનના નિવેદનને ઉઠાવ્યું કે તેઓ તેને ડુંગળીની છાલની જેમ તોડી નાખશે.
પોલીસે ફતેહાબાદ જિલ્લાના ટોહાના શહેરમાં બજરંગ દળના કાર્યકરોની અટકાયત કરી હતી. તેને ટોહાનાથી ફતેહાબાદ પોલીસ લાઈનમાં લાવવામાં આવી રહ્યો છે.પલવલમાં રાષ્ટ્રીય બજરંગ દળના રાજ્ય કન્વીનરના ઘરની બહાર પોલીસ બંદોબસ્ત ગોઠવી દેવામાં આવ્યો છે. પ્રદેશ સંયોજક મનીષ ભારદ્વાજને ઘરની અંદર કેદ કરવામાં આવ્યા છે. તેમને બહાર આવવા દેવામાં આવ્યા ન હતાં નૂહમાં કરર્યુ જેવ માહોલ જોવા મળ્યો હતો.અહીની બજારો શાળાઓ અને કોલેજો તમામ બંધ રહ્યાં હતાં મુસ્લિમ સમાજના લોકોએ ધરની બહાર ન નિકળવાનો નિર્ણય કર્યો હતો એ યાદ રહે કે ૩૧ જુલાઇના રોજ કાવડ યાત્રા દરમિયાન હિંસા થઇ હતી જેમાં હોમગાર્ડ સહિત છ લોકો શહીદ થયા હતાં ત્યારથી અહીં વાતાવરણ તંગ બન્યું છે.