નેપાળમાં ખરાબ હવામાને રોજિંદા જીવનને ખોરવ્યું છે. દક્ષિણ-પશ્ર્ચિમ ચોમાસાના આગમનથી ગુરુવાર સુધી હવામાન સંબંધિત ઘટનાઓને કારણે ઓછામાં ઓછા ૨૮ લોકોના મોત થયા છે અને દેશ ભૂસ્ખલન, પૂર અને વીજળીથી પ્રભાવિત થયો છે. નેપાળના પૂર્વીય ભાગોમાં ૧૦ જૂને ચોમાસું આવ્યું અને ત્યારથી દેશ અનેક કુદરતી આફતોનો ભોગ બન્યો છે. વિવિધ જિલ્લામાંથી ભૂસ્ખલન, પૂર અને વીજળી પડવાની ૪૪ ઘટનાઓ નોંધાઈ હતી.
નેપાળ ત્રણ મુખ્ય ભૌગોલિક પ્રદેશોમાં ફેલાયેલું છે – હિમાલયન ક્ષેત્ર, મય પર્વતીય ક્ષેત્ર અને તેરાઈ. હિમાલયની પર્વતમાળામાં ઘણી નાની અને મોટી નદીઓ વહે છે, જ્યાં આબોહવા પરિવર્તનને કારણે હવામાન સંબંધિત ઘટનાઓ વધી રહી છે. ગૃહ મંત્રાલયના સૂત્રોના જણાવ્યા અનુસાર પૂર્વી અને પશ્ર્ચિમ નેપાળના પાંચ જિલ્લામાં ભૂસ્ખલન અને પૂરના કારણે ૧૫ લોકોના મોત થયા છે. નેશનલ ડિઝાસ્ટર રિસ્ક રિસ્પોન્સ એન્ડ મેનેજમેન્ટ ઓથોરિટીના પ્રવક્તા દીજન ભટ્ટરાઈના જણાવ્યા અનુસાર, ભૂસ્ખલનને કારણે લમજુંગ અને તાપલેજુંગ જિલ્લામાં પાંચ-પાંચ, કાસ્કીમાં બે અને સંખુવાસભા અને ઓખાલધુંગા જિલ્લામાં એક-એક લોકોના મોત થયા છે. તેમણે જણાવ્યું હતું કે મોરાંગ જિલ્લામાં પૂરને કારણે એક વ્યક્તિનું મોત થયું હતું અને અન્ય એક વ્યક્તિ ગુમ થયો હતો.
ભૂસ્ખલનને કારણે આ વિસ્તારોમાં ૩૦ મકાનોને સંપૂર્ણ નુક્સાન થયું છે. તેવી જ રીતે, ૧૧ જીલ્લાઓમાં ૧૩ લોકોના મોત થયા હતા, જેમાં ઝાપા અને કૈલાલી જીલ્લામાં બે-બે લોકો વીજળી પડવાને કારણે મૃત્યુ પામ્યા હતા, અધિકારીઓના જણાવ્યા અનુસાર. દરમિયાન, અધિકારીઓએ જણાવ્યું હતું કે ઓખાલધુંગા જિલ્લામાં ભૂસ્ખલનથી ઘાયલ થયેલા બે લોકોને બુધવારે એરલિટ કરીને કાઠમંડુ લઈ જવામાં આવ્યા હતા અને તેમને ખાનગી હોસ્પિટલમાં સારવાર આપવામાં આવી રહી છે. સરકારે બચાવ અને રાહત કામગીરી માટે સેના, સશ પોલીસ દળો, પોલીસ કર્મચારીઓ તેમજ સ્થાનિક લોકોને તૈનાત કર્યા છે.