મુંબઇ, મુંબઈમાં ભારે વરસાદ પડી રહ્યો છે. ત્યાંનું વાતાવરણ ખૂબ જ ખુશનુમા બની ગયું છે. કાળઝાળ ગરમીમાંથી લોકોને રાહત મળી છે. મુંબઈકરો ચોમાસાનું સ્વાગત કરી રહ્યા છે. જેમાં સ્ટાર્સનો પણ સમાવેશ થાય છે. બી-ટાઉનના ઘણા સ્ટાર્સ મુંબઈના ઠંડકનો આનંદ માણવા નીકળી પડ્યા છે. આમાં નેહા ધૂપિયાનું નામ પણ સામેલ છે. નેહા હાલમાં જ મુંબઈના રસ્તાઓ પર સાઈકલ ચલાવતી જોવા મળી હતી.
નેહા ધૂપિયાનો એક વીડિયો સોશિયલ મીડિયા પર વાયરલ થઈ રહ્યો છે. વિરલ ભિયાણીએ પોતાના ઓફિશિયલ ઈન્સ્ટાગ્રામ એકાઉન્ટ પરથી એક વીડિયો શેર કર્યો છે. વીડિયોમાં જોઈ શકાય છે કે નેહા સાઈકલ ચલાવી રહી છે. એક્ટ્રેસની ખુશી જોવા મળી રહી છે. પાપારાઝી એક્ટ્રેસને પૂછે છે, ‘મેમ, શું તમે વરસાદમાં સાઈકલ ચલાવો છો?’ આના પર નેહા કહે છે કે, ‘બસ એમ જ અને તમે?’ પાપારાઝીએ જવાબ આપ્યો, ‘અમે તમને ફોલો કરી રહ્યા છે.’
નેહા ધૂપિયાના આ વીડિયો પર ફેન્સ જોરદાર કોમેન્ટ કરી રહ્યા છે. એક યુઝરે લખ્યું છે કે ‘તમે કરોડોની કારમાં ફરી શકો છો, પરંતુ તમે સાઈકલ પર મુસાફરી કરી રહ્યા છો. કારણ કેપઆ હવામાનની અસર છે.’ એક યુઝરે કોમેન્ટ કરી છે કે ‘મેમ, શું તમે સલમાન ભાઈ પાસેથી પ્રેરણા લીધી છે?’ કેટલાક યુઝર્સ નેહાને ટ્રોલ કરતા પણ જોવા મળ્યા હતા. એક યુઝરે લખ્યું છે કે ‘ઈલેક્ટ્રિક સાઈકલ પર ફરવાને સાઈકલિંગ ન કહેવાય.’
તમને જણાવી દઈએ કે નેહા ધૂપિયા સિવાય કોરિયોગ્રાફર ટેરેન્સ લુઈસ પણ મુંબઈના વરસાદની મજા લેતો જોવા મળ્યા હતા. ટેરેન્સનો એક વીડિયો ઘણો વાયરલ થઈ રહ્યો છે, જેમાં તે પોતાની લક્ઝરી કાર છોડીને સાઈકલ ચલાવતો જોવા મળી રહ્યો છે. તે એક ઈલેક્ટ્રિક સાઈકલ છે.