સીબીઆઇએ નીટ પેપર લીક કેસમાં પૂછપરછ માટે પટણા એમ્સના ત્રણ ડોક્ટરોની અટકાયત કરી છે. આ ત્રણેય ડોક્ટરો ૨૦૨૧ બેચના વિદ્યાર્થીઓ હોવાનું કહેવાય છે. સુપ્રીમ કોર્ટમાં નીટ પેપર લીક કેસની ચાલી રહેલી સુનાવણી વચ્ચે આ કાર્યવાહી કરવામાં આવી છે. સીબીઆઇએ ચાર ડોક્ટરોના રૂમને સીલ કરી દીધા છે અને તેમના લેપટોપ અને મોબાઈલ પણ જપ્ત કર્યા છે.
એવું કહેવામાં આવ્યું છે કે અટકાયત કરાયેલા ત્રણ લોકો ૨૦૨૧ બેચના મેડિકલ સ્ટુડન્ટ છે, જેઓ પટના એઈમ્સમાં મેડિસિનનો અભ્યાસ કરી રહ્યા છે. જ્યારે સીબીઆઈ પટના એઈમ્સ પહોંચી અને હોસ્ટેલમાં તેમના રૂમની તપાસ કરી તો તપાસ માટે તેમની પાસેથી લેપટોપ અને મોબાઈલ પણ જપ્ત કરવામાં આવ્યા હતા. મેડિકલના વિદ્યાર્થીઓએ પણ આનો વિરોધ શરૂ કર્યો. પરંતુ ઘણા પ્રયત્નો પછી,એમ્સ પ્રશાસન આગળ આવ્યું અને સીબીઆઇએ તેમને પ્રેરિત કર્યા. આ પછી ત્રણેયને કસ્ટડીમાં લેવામાં આવ્યા હતા. તેમને કસ્ટડીમાં લીધા બાદ સીબીઆઈ ત્રણેયને તેમની સાથે પૂછપરછના સ્થળે લઈ ગઈ હતી. કહેવામાં આવ્યું છે કે હાલ ત્રણેયને કલાકો સુધી સીબીઆઈની કસ્ટડીમાં રાખવામાં આવ્યા છે અને હાલ તેમના લેપટોપ અને મોબાઈલની પણ તપાસ કરવામાં આવી રહી છે.