એનડીએ સરકારમાં રાજમુંદરીના સાંસદ દગ્ગુબતી પુરંદેશ્ર્વરી લોક્સભા સ્પીકર બનવાની સંભવિત રેસમાં સૌથી આગળ છે. વડાપ્રધાન નરેન્દ્ર મોદીના નેતૃત્વમાં સતત ત્રીજી વખત NDA સરકારની રચના થઈ છે. રવિવારે પીએમ સહિત ૭૨ મંત્રીઓએ શપથ લીધા. મંત્રીઓની યાદીમાંથી આંધ્રપ્રદેશનું એક મોટું નામ ગાયબ હતું ત્યારે તમામને મોટું આશ્ર્ચર્ય થયુ હતું. તે નામ હતું આંધ્ર પ્રદેશ બીજેપી અયક્ષ અને રાજમુંદરીના સાંસદ દગ્ગુબતી પુરંદેશ્ર્વરી. જો કે, હવે એવું લાગી રહ્યું છે કે ભાજપે દગ્ગુબતી પુરંદેશ્ર્વરીને મોટી જવાબદારી આપવાનું આયોજન કર્યું હતું. સૂત્રો દ્વારા પ્રાપ્ત માહિતી મુજબ દગ્ગુબતી પુરંદેશ્ર્વરીને ૧૮મી લોક્સભાના સ્પીકર બનાવવામાં આવી શકે છે. તેઓ લોક્સભા સ્પીકર બનવાની રેસમાં સૌથી આગળ છે.
પુરંદેશ્ર્વરી લોક્સભાના સ્પીકર તરીકે ચૂંટાય છે, તો તે આ પદ સંભાળનાર આંધ્રના બીજા સાંસદ હશે. તેમના પહેલા અમલપુરમના પૂર્વ સાંસદ ગંતિ મોહન ચંદ્ર બાલયોગી ૧૨મી લોક્સભામાં સ્પીકર રહી ચૂક્યા છે. બાલયોગી જ્યારે લોક્સભાના સ્પીકર હતા ત્યારે ૨૦૦૨માં હેલિકોપ્ટર દુર્ઘટનામાં મૃત્યુ પામ્યા હતા. સૂત્રોએ જણાવ્યું હતું કે ભાજપ માને છે કે પુરંદેશ્ર્વરીને લોક્સભામાં સ્પીકર બનાવવાના નિર્ણયનો તેલુગુ દેશમ પાર્ટીના પ્રમુખ અને આંધ્ર પ્રદેશના મુખ્ય પ્રધાન-નિયુક્ત એન ચંદ્રબાબુ નાયડુ દ્વારા પણ સ્વાગત કરવામાં આવી શકે. ઉલ્લેખનીય છે કે, નાયડુની પત્ની અને પુરંદેશ્ર્વરી બહેનો છે.
ત્રણ વખતના સાંસદ અને વર્તમાન આંધ્ર ભાજપના વડા તરીકે, પુરંદેશ્ર્વરીએ ૨૦૨૪ની ચૂંટણીમાં આંધ્ર પ્રદેશમાં ટીડીપી અને જનસેના સાથે ભાજપના જોડાણમાં મહત્ત્વની ભૂમિકા ભજવી હતી. આ ગઠબંધનના પ્રભાવશાળી પરિણામો આવ્યા, જેમાં એનડીએ રાજ્યની ૧૭૫ વિધાનસભા બેઠકોમાંથી ૧૬૪ બેઠકો જીતી. વધુમાં, ગઠબંધન આંધ્ર પ્રદેશમાં ૨૧ સાંસદો ધરાવે છે ૧૬ ટીડીપીના, ત્રણ ભાજપના અને બે જનસેનાના ટીડીપી એનડીએ ગઠબંધનમાં બીજેપી પછી બીજા નંબરની સૌથી મોટી પાર્ટી તરીકે ઉભરી આવી છે. હમણાં જ પૂર્ણ થયેલી ચૂંટણીમાં રાજમુન્દ્રીથી સાંસદ તરીકે ચૂંટાયા તે પહેલાં, પુરંદેશ્ર્વરીએ અનુક્રમે ૨૦૦૪ અને ૨૦૦૯માં બાપટલા અને વિશાખાપટ્ટનમ માટે સાંસદ તરીકે સેવા આપી હતી. જ્યારે પાર્ટી આંધ્ર પ્રદેશમાં પગ જમાવવા માટે સંઘર્ષ કરી રહી હતી ત્યારે તે આંધ્ર પ્રદેશ ભાજપના અયક્ષ પદ માટે યોગ્ય પસંદગી તરીકે ઉભરી આવી હતી. પુરંદેશ્ર્વરીએ તાજેતરમાં યોજાયેલી ચૂંટણીમાં આઠ ધારાસભ્યો (લડાયેલ ૧૦ બેઠકોમાંથી) અને ત્રણ સાંસદો (છ લડેલી એલએસ બેઠકોમાંથી) સાથે પાર્ટીને જબરદસ્ત સફળતા તરફ દોરી હતી. એક છટાદાર વક્તા, પુરંદેશ્ર્વરી આંધ્ર પ્રદેશમાં સમાજના વિવિધ વર્ગો અને રાજકીય પક્ષોમાં સકારાત્મક છબી ધરાવે છે.