પટણા, નીતિશ કુમારે એનડીએના સમર્થન સાથે બિહારના મુખ્યમંત્રી તરીકે ૯મી શપથગ્રહણ કર્યા બાદ હવે મોટો કાર્યવાહી કરી છે. બિહારના રાજકારણ માટે રવિવાર ’સુપર સન્ડે’ હતો. ૧૭ મહિનાથી રાજદ સાથે સરકાર ચલાવી રહેલા નીતીશ કુમારના રસ્તા હવે અલગ છે. નીતિશ કુમારે ફરી એકવાર પુનરાગમન કર્યું અને ભાજપ સાથે સરકાર બનાવીને ૯મી વખત મુખ્યમંત્રી તરીકે શપથ લીધા. રાજ્યમાં નવી સરકારની રચના બાદ એનડીએ એ હવે રાજદ વિરુદ્ધ પ્રથમ કાર્યવાહી કરી છે અને વિધાનસભા અયક્ષ અવધ બિહારી ચૌધરી વિરુદ્ધ અવિશ્ર્વાસ પ્રસ્તાવની નોટિસ આપી છે.
વિધાનસભા અયક્ષને પદ પરથી હટાવવા માટે ભાજપના નંદ કિશોર યાદવે વિધાનસભા સચિવને અવિશ્ર્વાસ પ્રસ્તાવની નોટિસ આપી છે. જો ઇત્નડ્ઢ નેતા અવધ બિહારી ચૌધરી સ્પીકર પદ પરથી રાજીનામું નહીં આપે તો બહુમતીના મતથી તેમને હટાવી દેવામાં આવશે. સ્પીકર વિરુદ્ધ નોટિસ જાહેર કરવાના પ્રસ્તાવમાં પૂર્વ મુખ્યમંત્રી જીતન રામ માંઝી, પૂર્વ ડેપ્યુટી સીએમ ભાજપના તારકિશોર પ્રસાદ,જદયુના વિનય કુમાર ચૌધરી, રત્નેશ સદા અને અન્ય ઘણા ધારાસભ્યોના હસ્તાક્ષર પણ છે. દ્ગડ્ઢછ ગઠબંધન પાસે ૧૨૮ ધારાસભ્યો છે જ્યારે વિપક્ષના મહાગઠબંધન પાસે ૧૧૪ ધારાસભ્યો છે. સ્પીકર અવધ બિહારી ચૌધરી સામે ૧૨૮ ધારાસભ્યો હોવાથી તેમની હકાલપટ્ટી નિશ્ર્ચિત છે.
સિવાનના ધારાસભ્ય અવધ બિહારી ચૌધરીને ચાર દાયકાનો રાજકીય અનુભવ છે. તેઓ તળિયાના નેતા છે અને રાજકીય સંઘર્ષ દ્વારા પોતાનું રાજકીય સ્થાન બનાવ્યું છે. અવધ બિહાર રાજદ સુપ્રીમો લાલુ પ્રસાદ યાદવની નજીક માનવામાં આવે છે. આ ઉપરાંત નાયબ મુખ્યમંત્રી તેજસ્વી યાદવ સાથે પણ તેમના નજીકના સંબંધો છે. અવધ બિહાર ચૌધરી ૧૯૮૫માં જનતા દળની ટિકિટ પર પહેલીવાર સિવાન સીટથી ધારાસભ્ય બન્યા હતા, પરંતુ જ્યારે લાલુ પ્રસાદ યાદવે રાજદની રચના કરી ત્યારે તેઓ તેમની સાથે જોડાયા હતા. આ પછી તેઓ ૨૦૦૫ સુધી સતત સિવાનથી ધારાસભ્ય રહ્યા. આ સમયગાળા દરમિયાન તેઓ લાલુ યાદવથી લઈને રાબડી દેવી સુધીની સરકારોમાં મંત્રી રહી ચૂક્યા છે અને વિવિધ વિભાગોની જવાબદારીઓ સંભાળી છે.
અવધ બિહારી ચૌધરી ૨૦૧૪ની લોક્સભા ચૂંટણી બાદ રાજદ છોડીને જદયુમાં જોડાયા હતા. આવી સ્થિતિમાં વિધાનસભા પેટાચૂંટણી દરમિયાન સિવાન બેઠક પરથી અવધ બિહારી ચૌધરીને ટિકિટ આપવાને બદલે જદયુએ બબલુ ચૌહાણને આપી તેથી તેઓ અપક્ષ તરીકે ચૂંટણી લડ્યા. આ પછી તેણે ૨૦૧૭માં જદયુ છોડી દીધી અને ફરીથી રાજદમાં જોડાયા. આવી સ્થિતિમાં રાજદએ વર્ષ ૨૦૨૦માં સિવાન સીટ પરથી ઉમેદવાર ઉતાર્યો અને જીત નોંધાવીને તેઓ એક વખત ધારાસભ્ય બનવામાં સફળ રહ્યા.આ પહેલા રાજીનામું આપ્યા બાદ પત્રકારો સાથેની વાતચીતમાં નીતિશ કુમારે કહ્યું હતું કે, મહાગઠબંધનમાં સ્થિતિ સારી નથી, તેથી મેં આ પગલું ભર્યું છે. નીતીશ કુમારે કહ્યું, હું લાંબા સમયથી કોઈ પણ બાબત પર ટિપ્પણી કરી રહ્યો નથી કારણ કે મહાગઠબંધનમાં વસ્તુઓ બરાબર ન હતી. હું મારા પક્ષના કાર્યકરો સહિત દરેકના અભિપ્રાયો અને સૂચનો મેળવી રહ્યો હતો. મેં તેમની બધી વાત સાંભળી અને આજે રાજીનામું આપી દીધું.