નવસારી,વાસંદા તાલુકામાં ગમખ્વાર અકસ્માત થયો છે. વાંસદા ધરમપુર હાઇવે ઉપર આવેલા જામલીયા ગામ પાસે રોંગ સાઈડ આવતા ટેમ્પો ચાલકે બાઇક પર જતા પિતા પુત્રીને અડફેટે લીધા હતા. જેમાં પિતા અને પુત્રી બંનેના મોત નીપજ્યા છે. આ અકસ્માતને કારણે આખા પરિવારમા શોકનો માહોલ છવાઇ ગયો છે.
મૃતકના દીકરાએ ટેમ્પો ચાલક સામે ફરિયાદ નોંધાવી છે. તો બીજી બાજુ અકસ્માત કરી ટેમ્પો ચાલક ઘટના સ્થળેથી ફરાર થઇ ગયો છે. વાંસદા પોલીસે ગુનો નોંધીને આગળની તપાસ શરૂ કરી છે.
આ અંગે મળતી માહિતી પ્રમાણે, વાંસદા ધરમપુર હાઇવે ઉપર આવેલા જામલીયા ગામ પાસે રોંગ સાઈડ આવતા ટેમ્પો ચાલકે પિતા પુત્રીને અડફેટે લીધા હતા. જેમાં પિતા સુરેશભાઈ ચૌધરી અને પુત્રી મનીષા ચૌધરીનું મોત નીપજતા આખા પરિવારમાં શોકનો માહોલ છવાયો છે.
અકસ્માત બાદ પુત્રીનું ઘટનાસ્થળે તો પિતાનું હોસ્પિટલમાં સારવાર દરમિયાન મોત નીપજ્યુ છે. આ ગોઝારા અકસ્માતને કારણે પરિવારનો માળો વિખેરાઇ ગયો છે.
આ અકસ્માત કરીને રોંગ સાઇડ આવેતો ટેમ્પો ચાલક ત્યાંથી ફરાર થઇ ગયો હતો. મૃતક સુરેશભાઇના પુત્રએ ફરાર ટેમ્પો ચાલક સામે ફરિયાદન નોંધાવી છે. તો વાસંદા પોલીસે ગુનો નોંધીને ટેમ્પો ચાલકને પકડવાના ચક્રો ગતિમાન કર્યા છે.