દાહોદ અનાજ મહાજન સાર્વજનિક એજ્યુકેશન સોસાયટી સંચાલિત નવજીવન સાયન્સ કોલેજ, દાહોદ ના શારિરીક શિક્ષણ અને રમત-ગમત વિભાગ દ્વારા કોલેજમાં આદિવાસી દિવસની ઉજવણી સંદર્ભે વિદ્યાર્થીઓ માટે ક્રોસ ક્ધટ્રી (10 કીમી દોડ) આંતર વર્ગીય સ્પર્ધાનું આયોજન તા.10-08-2023 ના રોજ કરવામાં આવેલ હતું. જેમાં 12 ખેલાડી ભાઇઓ અને 3 ખેલાડી બહેનોએ ભાગ લીધો હતો. કોલેજના કાર્યકારી આચાર્ય ર્ડા. જી.જે.ખરાદી એ પણ ખેલાડીઓને પ્રોત્સાહન આપીને આયોજનને બિરદાવ્યુ હતું અને સ્પર્ધા માટે પ્રસ્થાન કરાવેલ હતું.
તેમજ પીજી ઇન્ચાર્જ ર્ડા. એચ.આર.ડાભી ઉપસ્થિત રહીને ખેલાડીઓને ઉત્સાહિત કર્યા હતાં. આ સ્પર્ધામાં મદદનીશ પંચ તરીકે અંકિત ચૌહાણ, અને હિરલ સોલંકી સ્ટાફ સભ્યોએ ફરજ બજાવી હતી. કોલેજના એન.એસ.એસ. યુનિટ ના સ્વયંસેવકોએ સ્પર્ધામાં મદદ કરીને સફળ બનાવવામાં સહભાગી થયા હતાં. તેમજ કોલેજના શારીરિક શિક્ષણ વિભાગના નિયામક ર્ડા. વી.જે.ચૌહાણ દ્વારા આ સ્પર્ધાનું આયોજન કરવામાં આવ્યું હતું અને વિજેતા ખેલાડીઓને શ્રી ગોવિંદ ગુરૂ યુનિવર્સિટીની આંતર કોલેજમાં કોલેજનું પ્રતિનિધિત્વ કરાવવામાં આવશે. કોલેજ પરિવાર તરફથી સ્પર્ધામાં વિજેતા ખેલાડીઓને શુભેચ્છાઓ.