- ૨૭ અને ૨૮ મેની દિલ્હી મુલાકાત દરમિયાન તેઓ નીતિ આયોગની બેઠકમાં ભાગ લેશે.
ગાંધીનગર, મુખ્યપ્રધાન ભૂપેન્દ્ર પટેલ ૨૭ અને ૨૮ મેએ દિલ્હીના પ્રવાસે રહેશે. ૨૭ અને ૨૮ મેની દિલ્હી મુલાકાત દરમિયાન તેઓ નીતિ આયોગની બેઠકમાં ભાગ લેશે. ૨૮મી મેના રોજ નવા સંસદ ભવનનાં ઉદ્ઘાટન થવાનું છે. ત્યારે મુખ્યમંત્રી ભૂપેન્દ્ર પટેલ નવા સંસદ ભવનના ઉદઘાટનમાં ઉપસ્થિત રહેશે.
મુખ્યપ્રધાન ભૂપેન્દ્ર પટેલ બે દિવસના દિલ્હી પ્રવાસે જવાના છે. ૨૭ અને ૨૮ મેના રોજ દિલ્હીમાં તેઓ મહત્વપૂર્ણ કાર્યક્રમોમાં હાજરી આપવાના છે. મુખ્યપ્રધાન નીતિ આયોગની બેઠક અને નવા સંસદ ભવન લોકાર્પણ કાર્યક્રમમાં હાજરી આપશે. ૨૯ મેથી મુખ્યપ્રધાન રાબેતા મુજબ કાર્યાલયમાં મુલાકાતીઓને મળશે.
૨૮મી મેના રોજ નવા સંસદ ભવનનાં ઉદ્ઘાટન માટેના નિમંત્રણ દેશભરના વિવિધ નેતાઓને મોકલવામાં આવ્યા છે જેમાં અનુક્રમે લોક્સભા અને રાજ્યસભાના ભૂતપૂર્વ સ્પીર્ક્સ અને સ્પીર્ક્સનો સમાવેશ થાય છે. ભાજપ શાસિત રાજ્યોના CM નવા સંસદ ભવનના ઉદ્ઘાટનમાં હાજર રહેશે. જેમાં ગુજરાતના સીએમ ભૂપેન્દ્ર પટેલ પણ હાજર રહેશે. બંને ગૃહોના બેઠક સભ્યો ઉપરાંત લોક્સભાના પૂર્વ અધ્યક્ષ અને રાજ્યસભાના પૂર્વ અધ્યક્ષને પણ આમંત્રણ મોકલવામાં આવ્યું છે. ભારત સરકારના તમામ મંત્રાલયોના સચિવોને પણ આમંત્રણ મોકલવામાં આવ્યું છે. નવા સંસદભવનના મુખ્ય આર્કિટેક્ટ બિમલ પટેલ અને જાણીતા ઉદ્યોગપતિ રતન ટાટાને પણ આમંત્રણ આપવામાં આવ્યું છે.
નવા સંસદ ભવનમાં આવી ઘણી સુરક્ષા વ્યવસ્થા હશે, જે હાલના સંસદ ભવનમાં નથી. નવી સંસદમાં ૩૬૦ ડિગ્રી સીસીટીવી સર્વેલન્સની સુવિધા હશે. તેની ખાસ વાત એ છે કે આ સીસીટીવી કેમેરા ફેસ રેકગ્નિશન સિસ્ટમથી સજ્જ હશે. આનાથી કોઈપણ શંકાસ્પદ વ્યક્તિ માટે સંસદમાં પ્રવેશવું ખૂબ મુશ્કેલ બનશે.
નવી સંસદમાં ઘૂસણખોરોને રોકવા માટે નક્કર વ્યવસ્થા કરવામાં આવી છે. થર્મલ ઈમેજિંગ સિસ્ટમ કોઈપણ ઘુસણખોરને શોધવામાં મદદરૂપ સાબિત થશે. આ ઉપરાંત કોઈપણ દુર્ઘટનાને પહોંચી વળવા માટે મજબૂત ફાયર એલાર્મ સિસ્ટમ હશે. આગને કારણે નુક્સાન ન થાય તે માટે ફાયર સપ્રેશન સિસ્ટમ આપવામાં આવી છે.
નવું સંસદ ભવન એ ભારતના લોક્તંત્રની સુરક્ષામાં એક મહત્વપૂર્ણ રોકાણ છે, તેમાં લેવામાં આવેલા સુરક્ષા પગલાઓ બિલ્ડિંગ અને તેમાં રહેતા લોકોને વિવિધ જોખમોથી બચાવવા માટે ડિઝાઈન કરવામાં આવ્યા છે. આ ચુસ્ત સુરક્ષા વ્યવસ્થાઓ એ સુનિશ્ર્ચિત કરવામાં મદદ કરશે કે ભારતમાં લોકશાહી અને સ્થિરતાના પ્રતીક તરીકે ભારતની સંસદ ભય વિના કામ કરવાનું ચાલુ રાખી શકે.