નર્સિંગ ની પ્રવેશ પરીક્ષા પણ એન્જિનિયરિંગ-મેડિકલની તર્જ પર લેવામાં આવશે,મધ્યપ્રદેશ સરકાર

• નવા નર્સિંગ એક્ટ હેઠળ રાજ્યમાં એક કમિશનની રચના કરવામાં આવશે અને હવે નેશનલ કમિશન પણ નવી નર્સિંગ કોલેજને માન્યતા આપશે.

ભોપાલ, મધ્યપ્રદેશ માં નર્સિંગ કોલેજ કૌભાંડ બાદ રાજ્યની ભાજપ સરકારે કડક વલણ અપનાવ્યું છે. મુખ્યમંત્રી મોહન યાદવે આ મુદ્દે અનેક વરિષ્ઠ અધિકારીઓ સાથે બેઠક યોજી હતી. મુખ્યમંત્રીએ બેઠકમાં ઘણા મોટા નિર્ણયો લીધા છે. સીએમએ આ મામલામાં સામેલ તમામ અધિકારીઓની સેવાઓ સમાપ્ત કરી દીધી છે. એવું પણ નક્કી કરવામાં આવ્યું છે કે એન્જિનિયરિંગ અને મેડિકલની તર્જ પર નર્સિંગ ના વિદ્યાર્થીઓની પરીક્ષા પણ રાજ્ય કક્ષાએ લેવામાં આવશે.

બેઠકમાં એવું પણ નક્કી કરવામાં આવ્યું હતું કે કેન્દ્રના નવા નર્સિંગ એક્ટ હેઠળ રાજ્યમાં એક કમિશનની રચના કરવામાં આવશે અને હવે નેશનલ કમિશન પણ નવી નર્સિંગ કોલેજને માન્યતા આપશે. સાથે જ નર્સિંગ કોલેજ કૌભાંડમાં સંડોવાયેલા તમામ અધિકારીઓની સેવાઓ સમાપ્ત કરવામાં આવશે. ઉપરાંત તત્કાલિન રજિસ્ટ્રાર અને નર્સિંગ કાઉન્સિલના સેક્રેટરી સામે પણ કાર્યવાહી કરવામાં આવશે. સીએમ મોહન યાદવ અને અધિકારીઓની બેઠક બાદ આ નિર્ણય લીધો છે

નોંધનીય છે કે મધ્યપ્રદેશ માં નર્સિંગ કોલેજ કૌભાંડ કેસમાં આ પહેલા દિલ્હી સીબીઆઈની ટીમે તપાસ બાદ ભોપાલમાં સીબીઆઈના બે અધિકારીઓ સામે કાર્યવાહી કરી હતી અને તેમની સામે એફઆઈઆર નોંધી હતી, ત્યારબાદ બંને સીબીઆઈ અધિકારીઓને તેમના પદ પરથી બરતરફ કરવામાં આવ્યા હતા. આ સિવાય નર્સિંગ કોલેજની માન્યતા સાથે જોડાયેલા અન્ય કેટલાક લોકો સામે પણ FIR નોંધવામાં આવી છે.

વાસ્તવમાં, મધ્યપ્રદેશ માં નર્સિંગ કોલેજોની માન્યતા અંગેની ગેરરીતિઓ પછી, આ સમગ્ર મામલાની હાઈકોર્ટ દ્વારા તપાસ કરવામાં આવી રહી હતી, જેમાં સ્થાનિક સ્તરે તપાસ સોંપવામાં આવેલા સીબીઆઈ અધિકારીઓએ તેમાં લાંચ લીધી હતી. ત્યારબાદ દિલ્હી સીબીઆઈની ટીમે તેમની સામે કાર્યવાહી કરી છે અને હવે આ સમગ્ર મામલાની તપાસ ચાલી રહી છે. તપાસમાં અત્યાર સુધી બહાર આવ્યું છે કે નર્સિંગ કોલેજોને માન્યતા આપવામાં આવી હતી જે પૈસાની લેવડદેવડ કરીને કાગળ પર ચાલી રહી છે, આવી ૧૫૯ જેટલી કોલેજો તપાસના દાયરામાં છે.