કડી, કડી તાલુકાના નંદાસણ-છત્રાલ હાઇવે ઉપર ભયાનક અકસ્માત સર્જાયો હતો. અકસ્માતમાં ત્રણ લોકોના કરુણ મોત નીપજ્યા છે. કડી તાલુકાના નંદાસણથી છત્રાલ હાઇવે ઉપર રોડ ક્રોસ કરતી વખતે રાહાદારીઓને શિફ્ટ ગાડીએ ટક્કર મારી હતી.
નંદાસણ હાઇવે ઉપર આવેલા બિલેશ્ર્વરપુરા પાટિયા નજીક અકસ્માત થયો હતો. ત્રણ રાહદારીઓ રોડ ક્રોસ કરી રહ્યા હતા. જે દરમિયાન અમદાવાદ તરફથી આવી રહેલી શિફ્ટ ગાડીએ ધડાકા ભેર ટક્કર મારી હતી. જ્યાં ત્રણેય જણા રોડ ઉપર પછડાયા હતા અને ઘટનાસ્થળે મોત નીપજ્યા હતા. અકસ્માત થતા લોકોના ટોળેટોળા ઉંમટી પડ્યા હતા અને કલોલ પોલીસને જાણ કરવામાં આવી હતી. ઘટનાસ્થળે પોલીસ આવીને કાર્યવાહી કરી હતી. ત્રણેય રાહદારીઓ જોટાણા તાલુકાના મુદરડા ગામના વતની હોવાનું બહાર આવ્યું છે.