લાલુ પ્રસાદ યાદવની પાર્ટી રાષ્ટ્રીય જનતા દળે બિહારમાં આપવામાં આવેલી નોકરીઓને મુખ્યમંત્રી નીતિશ કુમારના યોગદાન તરીકે નહીં પરંતુ ૨૮ જાન્યુઆરી સુધી નાયબ મુખ્યમંત્રી રહેલા તેજસ્વી યાદવનું વિઝન ગણાવ્યું હતું. હવે આરજેડીએ નાલંદા યુનિવર્સિટીનો શ્રેય લેવા વડાપ્રધાન નરેન્દ્ર મોદીને ઘેર્યા છે. આરજેડીએ કેટલાક દસ્તાવેજો જાહેર કર્યા છે જેમાં દાવો કરવામાં આવ્યો છે કે વડાપ્રધાન નરેન્દ્ર મોદીની સરકારનું નાલંદા યુનિવર્સિટીમાં કોઈ યોગદાન નથી અને તેણે અગાઉના સંયુક્ત પ્રગતિશીલ ગઠબંધન (યુપીએ)ની શાખ ચોરી કરી છે. આરજેડીએ કહ્યું છે કે નાલંદા યુનિવર્સિટીનો નવો દેખાવ આરજેડી સમર્થિત કેન્દ્રમાં અગાઉની યુપીએ સરકારના વિઝનનું પરિણામ હતું.
આરજેડીના પ્રવક્તાએ કહ્યું કે જ્યારે વડાપ્રધાન આજે રાજગીરમાં નાલંદા યુનિવર્સિટીના નવનિમત કેમ્પસનું ઉદ્ઘાટન કરવા આવ્યા હતા ત્યારે લોકોને આશા હતી કે આ વખતે બિહારે તેમને વડાપ્રધાન બનાવવામાં મહત્વની ભૂમિકા ભજવી છે. ખાસ કરીને બિહારના મુખ્યમંત્રી નીતિશ કુમારના સમર્થનને કારણે કેન્દ્રમાં એનડીએની સરકાર બની છે. આવી સ્થિતિમાં, જ્યારે વડાપ્રધાન પહેલીવાર બિહાર આવી રહ્યા છે, ત્યારે તેઓ ચોક્કસપણે બિહાર માટે કંઈક ભેટ લઈને આવ્યા હશે. પરંતુ આવું કંઈ થયું નથી.
આરજેડી પ્રવક્તાએ કહ્યું કે નાલંદા યુનિવર્સિટીની નવી ઇમારત જેનું ઉદ્ઘાટન કરવા તેઓ આવ્યા હતા તે કેન્દ્રમાં આરજેડી સમથત યુપીએ સરકારની ભેટ છે. યુપીએ સરકાર દરમિયાન ૨૦૧૦માં સંસદ દ્વારા પસાર કરાયેલા ’નાલંદા યુનિવસટી સ્પેશિયલ એક્ટ’ દ્વારા તેની સ્થાપના કરવામાં આવી હતી, પરંતુ વડાપ્રધાને ન તો તેના ભાષણમાં એક વખત પણ તેનો ઉલ્લેખ કર્યો અને ન તો આ યુનિવર્સિટી માટે કોઈ વિશેષ પેકેજ આપવાનું કહ્યું.
આરજેડીના પ્રવક્તાએ કહ્યું કે, મુખ્યમંત્રી નીતિશ કુમાર પણ કોઈ મજબૂરીમાં હવે બિહાર માટે વિશેષ રાજ્યનો દરજ્જો, વિશેષ પેકેજ અને પટના યુનિવર્સિટીને પહેલાની જેમ ઓપન ફોરમમાં કેન્દ્રીય યુનિવર્સિટી બનાવવાની માંગણી કરતા નથી. જ્યારે હવે નીતિશ કુમારના સમર્થનથી નરેન્દ્ર મોદી ફરી વડાપ્રધાન બન્યા છે. જ્યારે વડાપ્રધાન નરેન્દ્ર મોદી પટના યુનિવર્સિટી આવ્યા હતા ત્યારે મુખ્યમંત્રીએ પટના યુનિવર્સિટીને સેન્ટ્રલ યુનિવર્સિટી બનાવવાની માંગણી કરી હતી, જો કે વડાપ્રધાને તેમની માંગની કોઈ નોંધ લીધી નથી અને આજ સુધી લીધી નથી. જોકે, આજે પટના યુનિવર્સિટીને સેન્ટ્રલ યુનિવર્સિટી બનાવવાની જાહેરાત કરવાની સારી તક હતી.