તેલંગાણાના મુખ્યમંત્રી રેવન્ત રેડ્ડી ગેરકાયદે બાંધકામો સામે એક્શન મોડમાં જોવા મળી રહ્યા છે. બુધવાર (૨૮ ઓગસ્ટ) ના રોજ, તેણે કહ્યું હતું કે જો તે તેના અને તેના પરિવારના સભ્યોના મકાનોને ગેરકાયદેસર બાંધકામો ગણવામાં આવે તો તે તોડી પાડવા માટે તૈયાર છે. આ નિવેદનના ૨૪ કલાકથી ઓછા સમયમાં રેવંતના ભાઈને મોટો આંચકો લાગ્યો છે. એ તિરુપતિ રેડ્ડીને મોકલવામાં આવેલી નોટિસમાં કહેવામાં આવ્યું છે કે તેમનું ઘર ગેરકાયદેસર છે. તે બફર ઝોનમાં રહે છે અને ૩૦ દિવસની અંદર દૂર કરવું જોઈએ.
નોટિસથી સ્પષ્ટ છે કે આ મકાન એક મહિનામાં તોડી પાડવામાં આવશે. અગાઉ, નાગાર્જુનના કન્વેન્શન સેન્ટરને તોડી પાડવામાં આવ્યા બાદ સીએમ રેડ્ડી ચર્ચામાં આવ્યા હતા. તેમણે કહ્યું હતું કે તળાવો પર અતિક્રમણ કરનારને સરકાર બક્ષશે નહીં.
તેલંગાણા રેવન્યુ ડિપાર્ટમેન્ટે માધાપુરમાં અમર કોઓપરેટિવ સોસાયટીના રહેવાસીઓને ડિમોલિશન નોટિસ જારી કરી છે, જેમાં જણાવ્યું છે કે બાંધકામો દુર્ગામ ચેરુવુ બફર ઝોન હેઠળ આવે છે. જાણવા મળ્યું છે કે રેવંત રેડ્ડીના ભાઈ એ તિરુપતિ રેડ્ડીને પણ આ નોટિસ મળી છે. માધાપુર અમર કો-ઓપરેટિવ સોસાયટીની મિલક્તો પર નોટિસ ચોંટાડવામાં આવી હતી, જેમાં કહેવામાં આવ્યું હતું કે આ બાંધકામો દુર્ગમ ચેરુવુ તળાવના બિન-વિકાસ વિસ્તારમાં આવે છે અને તેને ૩૦ દિવસમાં દૂર કરવામાં આવે.
નોટિસ પ્રાપ્ત થયેલી અન્ય મિલક્તોની સાથે, મુખ્યમંત્રીના ભાઈએ પણ મિલક્ત ખાલી કરવી પડશે અને ૩૦ દિવસમાં બાંધકામો તોડી પાડવા પડશે. જો આમ નહીં થાય તો સરકાર આ બાંધકામોને તોડી પાડવાનું કામ કરશે. સેંકડો મકાનો અને કોમશયલ જગ્યાઓને તોડી પાડવાની નોટિસ આપવામાં આવી છે. આનો અર્થ એ છે કે માધાપુર કો-ઓપરેટીવ સોસાયટીની આસપાસના વિસ્તારમાં એક વિશાળ કામગીરી ચાલી રહી છે, જે દુર્ગમ ચેરુવુ તળાવની નજીક છે.
આના જવાબમાં તિરુપતિ રેડ્ડીએ કહ્યું કે તેમને અગાઉ ખબર નહોતી કે તે બફર ઝોનમાં આવે છે. જો એમ હોય, તો તેઓ પોતે પગલાં લેશે અને નિયમોનું સંપૂર્ણ પાલન કરશે. હાઈડ્રાની ઘટના બાદ મુખ્યમંત્રી પોતાના જ પરિવારના સભ્યો સામે કડક કાર્યવાહી કરશે કે કેમ તે પ્રશ્ર્ને જોર પકડ્યું હતું. હાઈડ્રાએ આ સૂચના ન આપી હોવા છતાં, તે ચોક્કસપણે સૂચવે છે કે કોઈને પણ બક્ષવામાં આવશે નહીં.