મુંબઇ,હાલમા જ શાહરુખ ખાન મુંબઈ એરપોર્ટ પર જોવા મળ્યો હતો. એરપોર્ટ પર ફેન્સે એક્ટરને ઘેરી લીધો હતો. આ દરમિયાન એક ફેને શાહરૂખ સાથે ફોટો પડાવવાનો પણ પ્રયાસ કર્યો હતો. આ વીડિયો સોશિયલ મીડિયા ઉપર વાઇરલ થઇ રહ્યો છે.વીડિયોમાં શાહરુખ એરપોર્ટ પર પહોંચતા જ તેના ફેન્સનું અભિવાદન કરતો જોવા મળે છે. એક્ટરે ફેન્સને ફ્લાઈંગ ક્સિ આપીને શુભેચ્છા પાઠવી હતી. ચાહકોની ભીડમાં એક વ્યક્તિએ શાહરુખ ખાન સાથે ફોટો પડાવવાનો પ્રયાસ કર્યો હતો.
પરંતુ, શાહરુખ તે વ્યક્તિના હાથને ધક્કો મારીને ફોટો પડાવવાની ના પાડી દીધી. આ પછી, શાહરુખ પાછો ફર્યો અને તે વ્યક્તિ તરફ જોતો રહ્યો. આ બનતાની સાથે જ સિક્યુરિટી ગાર્ડ શાહરુખને તેની કાર તરફ લઈ ગયો. શાહરૂખની આ હરક્તોથી ફેન્સ ખૂબ જ નારાજ દેખાય છે. સોશિયલ મીડિયા પર આ વીડિયો પર એક યુઝરે લખ્યું- મને લાગે છે કે જે વ્યક્તિ શાહરુખ સાથે ફોટો પડાવવાનો પ્રયાસ કરી રહ્યો હતો તે વાસ્તવમાં એરપોર્ટ સ્ટાફ છે. તેમણે શાહરુખને સ્પર્શ પણ કર્યો ન હતો, તેમ છતાં તેમણે તેની સાથે આટલું ખરાબ વર્તન કર્યું હતું. તેમણે આવું ન કરવું જોઈતું હતું.
શાહરુખ તેની આગામી ફિલ્મ ’ડંકી;ના શૂટિંગ માટે શ્રીનગર ગયો હતો. આ દરમિયાન તે ચાહકોથી ઘેરાઈ ગયો હતો. શાહરુખને ભીડે ધક્કો માર્યો હતો.