મોરવા(હ)પોલીસ વંદેલી ગામે પોસ્ટ ફળિયા રોડ ઉપર પેટ્રોલિંગમાં હોય દરમિયાન શંકાસ્પદ રીતે સ્વિફટ કારની આગળ બાઈક ઉપર પેટ્રોલિંગ કરી પસાર થતા હોય જેથી પોલીસ બાઈક ચાલકને રોકતા કારમાં બેઠેલ બે ઈસમો નાસી છુટયા હતા. પોલીસે કારમાંથી કિ.રૂ.68,325/-ના દારૂના જથ્થા સાથે બે વાહનો મળી કુલ રૂ.3,98,325/-ના મુદ્દામાલ સાથે એક ઈસમને ઝડપી પાડવામાં આવ્યો હતો.
પ્રાપ્ત માહિતી અનુસાર મોરવા(હ)ના વંદેલી ગામે પોસ્ટ ફળિયા રોડ ઉપર મોરવા(હ)પોલીસ પેટ્રોલિંગમાં હોય દરમિયાન સ્વિફટ કાર નં.જીજે-20-એ-8736ના આગળ મોટરસાયકલ ઉપર પેટ્રોલિંગ કરી પસાર થતા હોય બાઈક ચાલકને રોકીને ઝડપી પાડતા સ્વિફટ કારમાં સવાર બે નાસી છુટ્યા હતા. પોલીસે કારમાં ચેકિંગ કરી સ્ટેજ ડીલક્ષ વ્હિસ્કિ કવાટરીયા નંગ-240, ડીલક્ષ બિયર ટીન નંગ-73, કાઉન્ટી કલબ વ્હિસ્કિ નંગ-184 મળી કુલ રૂ.68,325/-નો દારૂના જથ્થા સાથે જયનભાઈ સાયરસિંહ માવીને ઝડપી પાડવામાં આવ્યો હતો. પોલીસે સ્વિફટ કાર, મોટરસાયકલ મળી કુલ 3,98,325/-રૂપિયાનો મુદ્દામાલ કબ્જે લીધો હતો. જયારે નાસી છુટનાર આરોપીઓ ચતુરભાઈ ઉર્ફે પિંટુ વિનોદભાઈ મકવાણા(રહે.ભંડોઈ, મોરવા), લલિતભાઈ હિરાભાઈ મેડા(રહે.ભાટીવાડા,)ને વોન્ટેડ જાહેર કરી આ બાબતે મોરવા(હ)પોલીસ મથકે પ્રોહિબિશન એકટ હેઠળ ગુનો નોંધાવવા પામ્યો છે.