મોરવા(હ)તાલુકાના રામપુર ગામે તળાવ પાસે ઝાડીઓમાં કેટલાક ઈસમો ખુલ્લામાં પાના-પત્તાનો જુગાર રમતા હોય તેવી બાતમીના આધારે પોલીસે રેઈડ કરી હતી. રેઈડ દરમિયાન 6 જુગારીયાઓને 10,760/-રૂપિયાના મુદ્દામાલ સાથે ઝડપી પાડવામાં આવ્યા હતા.
પ્રાપ્ત માહિતી અનુસાર મોરવા(હ)તાલુકાના રામપુર ગામે લુખાવાડીયા ફળિયામાં તળાવ પાસે ઝાડીઓમાં કેટલાક ઈસમો જુગાર રમતા હોય તેવી બાતમીના આધારે મોરવા(હ)પોલીસે રેઈડ કરી મુકેશ ગલાભાઈ બારીયા, નરવતભાઈ ગોરજીભાઈ બારીયા, ધર્મેશ વિરભદ્રસિંહ બારીયા, હિંમત દલસુખભાઈ બારીયા, મુકેશ મોહનભાઈ બારીયા, અર્જુન મંગળસિંહ બારીયાને ઝડપી પાડવામાં આવ્યા હતા. ઝડપાયેલ જુગારીયાઓની અંગઝડતી અને દાવ ઉપર મુકેલ રૂ.10,760/-ના મુદ્દામાલ કબ્જે લેવામાં આવ્યો હતો. આ બાબતે મોરવા(હ)પોલીસ મથકે જુગારધારા હેઠળ ફરિયાદ નોંધાવવા પામી છે.