મોરવા(હ) તાલુકાના કુવાઝર ગામે તળાવ નજીક ઝાડીઓમાં કેટલાક ઈસમો જુગાર રમતા હોય તેવી બાતમીના આધારે પોલીસે રેઈડ કરી હતી. રેઈડ દરમિયાન 6 જુગારીયાને રૂા.13,010/-ના મુદ્દામાલ સાથે ઝડપી પાડવામાં આવ્યા.
પ્રાપ્ત વિગતો મુજબ મોરવા(હ) તાલુકાના કુવાઝર ગામે તળાવ નજીક કેટલાક ઈસમો જુગાર રમી રહ્યા છે. તેવી બાતમીના આધારે પોલીસે રેઈડ કરી હતી. રેઈડ દરમિયાન વિનોદ સામંતસિંહ બામણીયા, પ્રદિપ ચંદુભાઇ હરીજન, વિક્રમ પ્રભાતસિંહ બારીયા, રાજેશ જશવંતસિંહ બારીયા, મેહુલ નટવરભાઇ હરીજન, રંગીત ભારતસિંહ બારીયાને ઝડપી પાડવામાંં આવ્યા હતા. ઝડપાયેલ ઈસમોની અંગઝડતી અને દાવ ઉપર મુકેલ રૂપીયા 13,010/-નો મુદ્દામાલ જપ્ત કરવામાં આવ્યો હતો. આ બાબતે મોરવા(હ) પોલીસ મથકે જુગારધારા હેઠળ ફરિયાદ નોંધાવા પામી છે.