મોરવા(હ),
મોરવા(હ) ખાતે આવેલ શ્રી વિનયન આર્ટસ એન્ડ સાયન્સ કોલેજમાં એમ.એ. વિભાગમાં હિન્દી, ગુજરાતી, સંસ્કૃત, અંગ્રેજી અને સમાજશાસ્ત્રના વિષયો શરૂ કરવામાં એ.બી.વી.પી. દ્વારા રજુઆત કરાઈ છે.
મોરવા(હ) ખાતે આવેલ શ્રી વિનયન આર્ટસ એન્ડ સાયન્સ કોલેજમાં એમ.એ.વિભાગમાં પહેલે થી ઈતિહાસ વિષય ચાલે છે. જ્યારે હિન્દી, ગુજરાતી, સંસ્કૃત ત્રણ વિષયો પહેલા ચાલુ હતા. જે ગયા વર્ષથી બંધ કરવામાં આવ્યા છે. તે વિષયો શરૂ કરવામાં આવે સાથે અંગ્રેજી અને સમાજશાસ્ત્રના વિષયો પણ શરૂ કરવામાં આવે તેવી માંગ કરાઈ છે. મોરવા(હ) તાલુકાના તમામ વિસ્તાર આદિજાતિ અને પછાત વર્ગનો વિસ્તાર છે. આ વિસ્તારના લોકોની આર્થિક પરિસ્થિતી સારીના હોવાના કારણે વિદ્યાર્થી બી.એ.પૂર્ણ કાર્ય પછી તેઓ આગળની એમ.એ.ના અભ્યાસ કરી શકતા નથી અને ઉચ્ચ શિક્ષણ લઈ શકતા નથી. ત્યારે મોરવા(હ) વિનયન આર્ટસ એન્ડ સાયન્સ કોલેજમાં એમ.એ.ના પાંચ વિષયો શરૂ કરવામં આવે તેવી માંગ સાથે એ.બી.વી.પી. શાખા દ્વારા રજુઆત કરવામાં આવી છે.