મોરબી,મોરબીમાં મોડી રાત્રે સરદાર રોડ ઉપર તાલુકા સંઘ વાળી શેરીમાં અજાણ્યા બે શખ્સોએ છરીના ઘા ઝીકીને યુવાનની હત્યા નીપજાવી હતી. મુતદેહને પી.એમ. માટે મોરબી સિવિલ હોસ્પિટલમાં ખસેડવામાં આવ્યો હતો. આ બનાવની જાણ થતા મોરબી એ-ડિવીઝન પોલીસ ઘટનાસ્થળે પહોંચી હતી અને આરોપીને ઝડપવા માટે કાર્યવાહી હાથ ધરી હતી.
બનાવની મળતી વિગત મુજબ, મોરબીની જાની શેરીમાં રહેતા હિરેન ભટ્ટ નામના યુવાનની હત્યા રાત્રીના સમયે કરવામાં આવી હતી. હત્યા કરીને બે અજાણ્યા શખ્સો નાસી ગયાનું સુત્રોમાંથી જાણવા મળ્યું છે. હત્યાના બનાવની જાણ થતા એ-ડિવિઝન પોલીસની ટીમ, એલસીબી,એસઓજી સહિતનો કાફલો ઘટનાસ્થળે પહોંચી ગયો હતો અને આરોપીને ઝડપવા માટે કાર્યવાહી હાથ ધરી હતી. પણ હત્યા ક્યા કારણોસર થઈ હજુ તે સ્પષ્ટ થયું નથી. હત્યાના બનાવથી મોરબીમાં ચકચાર મચી જવા પામી હતી. જે રીતે મોરબીમાં ગુનાહીત પ્રવુતિ વધી છે તે પોલીસની કામગીરી સામે સવાલો ઉભા કરી રહી છે તો વધુમાં મળતી વિગત મુજબ મૃતક યુવાન કાપડની દુકાનમાં નોકરી કરતો હતો. પોલીસે ગુનો નોંધવા હાલ તજવીજ હાથ ધરી છે.