મોદી ૩.૦: લોક્સભા ચૂંટણી ૨૦૨૪માં NDA ની જીત બાદ વડાપ્રધાન મોદીએ રવિવારે ફરી એકવાર વડાપ્રધાન તરીકે શપથ લીધા છે. પીએમ મોદીની સાથે અન્ય ૭૧ કેબિનેટ મંત્રીઓએ પણ શપથ લીધા છે. નવી સરકારની પ્રથમ કેબિનેટ બેઠક સોમવારે છે. નવી સરકારની રચના બાદ સેનાના ઈન્ટિગ્રેટેડ બેટલ ગ્રુપ (આઇબીજી)ની મંજૂરીને લઈને ચર્ચા પણ તેજ થઈ ગઈ છે.
સૂત્રોના જણાવ્યા અનુસાર, યુનિફાઇડ ટ્રાઇ-સવસ થિયેટર કમાન્ડની સ્થાપના સિવાય નવી સરકાર આર્મીના ઇન્ટિગ્રેટેડ બેટલ ગ્રૂપને લઈને લાંબા સમયથી પેન્ડિંગ નિર્ણય લઈ શકે છે. જેના કારણે આગામી દિવસોમાં જે વિભાગો અત્યાર સુધી સેનાની રચનામાં મહત્વનો ભાગ હતા તેને નાબૂદ કરવામાં આવશે.
આઇબીજીની રચના સાથે, સેના ઝડપથી એકત્ર થઈ શકશે અને શક્તિશાળી હુમલાઓ કરી શકશે. પાયલોટ પ્રોજેક્ટના પ્રથમ તબક્કા હેઠળ, સેનાએ પાકિસ્તાન સાથે પશ્ર્ચિમી મોરચે ૯ પીવોટ કોર્પ્સ હેઠળ બે ૈંમ્ય્ ની રચના કરી છે. બીજા તબક્કામાં, ચીનની સાથે પૂર્વ ભાગમાં ૧૭ ’માઉન્ટેન સ્ટ્રાઈક’ કોર્પ્સ (પનાગઢ)માં પાંચ ૈંમ્ય્ બનાવવામાં આવ્યા છે. આ એકીકૃત યુદ્ધ જૂથો તમામ શોથી સજ્જ છે અને ઘણી કવાયતમાં સફળતાપૂર્વક દાવપેચ કરવામાં આવ્યા છે.
રિપોર્ટ અનુસાર, સેનાએ અગાઉ આઇબીજીના ફેઝ-૧નો રિપોર્ટ રક્ષા મંત્રાલયને સુપરત કર્યો હતો. પરંતુ સંરક્ષણ મંત્રાલયે મંજૂરી આપતા પહેલા ફેઝ-૨ રિપોર્ટ પણ માંગ્યો છે. આઈબીજીની ભૂમિકાને લઈને આર્મી સંપૂર્ણપણે ઉત્સાહિત છે. સેનાનું માનવું છે કે આઇબીજીની મદદથી દુશ્મનો સામે વધુ અને ઝડપી આક્રમક હુમલાઓ સુનિશ્ર્ચિત કરવામાં આવશે. પરંતુ તે જોવાનું રસપ્રદ રહેશે કે મોડલ ચીન, પાકિસ્તાન અને હિંદ મહાસાગર ક્ષેત્ર માટે ત્રણ પ્રસ્તાવિત થિયેટર કમાન્ડ સાથે કેવી રીતે મેળ ખાય છે.
સેનાના એક સૂત્રનું કહેવું છે કે કમાન્ડર કમાન્ડ એક રીતે વ્યૂહાત્મક સ્તરે આર્મી, એરફોર્સ અને નેવીમાં સુધારો છે.આઇબીજી મોડલ એ આર્મીની અંદર વ્યૂહાત્મક પુન:રચના છે. આ પરિવર્તન લાવવામાં પહેલેથી જ ઘણો વિલંબ થયો છે. પરંતુ આઇબીજી સંબંધિત કેટલીક નાણાકીય મૂંઝવણ છે. તેથી જ જીએસએલ જરૂરી છે. સંપૂર્ણ આઇબીજીમાં ૫,૦૦૦-૬,૦૦૦ સૈનિકો હોય છે. ટેક્ધ, આટલરી, એર ડિફેન્સ, સિગ્નલ, એન્જિનિયરો અને અન્ય આવશ્યક ટીમોનું એક અલગ જૂથ કાયમી ધોરણે એક્સાથે તૈનાત કરવામાં આવશે. અત્યાર સુધી આવી ટીમો માત્ર પ્રેક્ટિસ અથવા વાસ્તવિક યુદ્ધ દરમિયાન જ એક સાથે આવે છે.