તમિલનાડુમાં ચેન્નાઈ નજીક શુક્રવારે રાત્રે મૈસૂર-દરભંગા એક્સપ્રેસ (12578) એક માલગાડી સાથે અથડાઈ હતી. આ અકસ્માત કાવરાઈપેટ્ટાઈ રેલવે સ્ટેશન પાસે થયો હતો. આ અકસ્માતમાં અનેક લોકો ઘાયલ થયાના સમાચાર છે.સમાચાર એજન્સી પીટીઆઈના જણાવ્યા અનુસાર, માલગાડી કાવરાઈપેટ્ટાઈ રેલવે સ્ટેશન પર ઉભી હતી ત્યારે પેસેન્જર ટ્રેન તેની સાથે અથડાઈ હતી. એક્સપ્રેસના 6 ડબ્બા પાટા પરથી ઉતરી ગયા છે અને તેમાં આગ લાગી છે. એમ્બ્યુલન્સ અને બચાવ ટીમને ઘટનાસ્થળે મોકલવામાં આવી છે.
ઘટના બાદ મુસાફરો અને તેમના પરિવારજનો માટે હેલ્પલાઈન નંબર જાહેર કરવામાં આવ્યા છે. લોકો 04425354151, 04424354995 પર ફોન કરીને ઘટના સંબંધિત માહિતી મેળવી શકે છે. રેલવે અધિકારીઓએ ઘટનાની તપાસ શરૂ કરી છે.
2024માં થયેલા રેલવે અકસ્માત
- 17 ફેબ્રુઆરી 2024: દિલ્હીના સરાય રોહિલા પાસે માલગાડી પાટા પરથી ઉતરી ગઈ, જેમાં એક વ્યક્તિનું મૃત્યુ થયું. આ ઘટના બાદ વિસ્તારમાં રેલ સેવા ખોરવાઈ ગઈ હતી અને કેટલાક કલાકો સુધી પ્રભાવિત રહી હતી.
- 10 માર્ચ 2024: વિશાખાપટ્ટનમ-ભવાનીપટના પેસેન્જર સ્પેશિયલ ટ્રેન (08504)નું એન્જિન કોટ્ટાવાલાસા રેલવે સ્ટેશન નજીક પાટા પરથી ઉતરી ગયું. જોકે આ ઘટનામાં કોઈ જાનહાનિ થઈ ન હતી, પરંતુ રેલવે સેવાઓમાં વિલંબ થયો હતો.
- 18 માર્ચ, 2024: સાબરમતી એક્સપ્રેસ માલગાડી સાથે અથડાઈ, જેમાં ઘણા મુસાફરો ઘાયલ થયા. સિગ્નલની નિષ્ફળતા અને ટ્રાફિક કોઓર્ડિનેશનમાં ખામીને કારણે આ ઘટના બની છે.
- 2 જૂન, 2024: પંજાબના સરહિંદ પાસે લુધિયાણા-અંબાલા મુખ્ય લાઇન પર બે માલગાડી અથડાઈ, જેમાં બે લોકો પાઇલટ ઘાયલ થયા. આ ઘટનાને કારણે સેવાઓ ખોરવાઈ ગઈ હતી.
- 17 જૂન 2024: એક માલગાડીએ કંચનજંગા એક્સપ્રેસને ટક્કર મારી, જેમાં 15 લોકોનાં મોત થયાં અને 60થી વધુ લોકો ઘાયલ થયા.
- જુલાઈ 18, 2024: ઉત્તર પ્રદેશના ગોંડા-માનકાપુર વિસ્તારમાં ચંદીગઢ-ડિબ્રુગઢ ટ્રેનના ઓછામાં ઓછા ચાર ડબ્બા પાટા પરથી ઉતરી ગયા, જેમાં ચાર લોકોના મોત થયા.