મહેસાણા,મહેસાણાના ઊંઝા હાઇવે પર હિટ એન્ડ રનની ઘટના સામે આવી છે. હાઇવે પરથી જઇ રહેલા ૧૯ વર્ષીય બાઇક ચાલકને અજાણ્યા વાહન ચાલકે ટક્કર મારી હતી. આ ઘટનામાં ભરત ઠાકોર નામના વ્યક્તિનું મોત થયુ છે. ઊંઝા હાઇવે પર કોઇ વાહનચાલક આ બાઇક ચાલક યુવકને ટક્કર મારીને ફરાર થઇ ગયો હતો. જે પછી ગંભીર રીતે ઇજાગ્રસ્ત યુવકનું મોત થયુ હતુ. પોલીસે અજાણ્યા વાહનચાલક સામે ગુનો નોંધી તપાસ હાથ ધરી છે.
બીજી તરફ સુરતમાં પણ એક ગંભીર અકસ્માત બન્યો છે. સુરતના બલેશ્ર્વર ખાતે ત્રિપલ અકસ્માતની ઘટના બની હતી. મુંબઈથી અમદાવાદ નેશનલ હાઈવે નંબર ૪૮ પર ટેક્ધર પાછળ બે વાહનો અથડાતા અકસ્માત સર્જાયો હતો. ટેક્ધર પાછળ ટ્રક અને ટ્રક પાછળ કાર અથડાતા અકસ્માત સર્જાયો હતો. આ અકસ્માતમાં ટ્રક ચાલકને ગંભીર ઈજા પહોંચી છે. સ્થાનિકો દ્વારા તાત્કાલિક ઈજાગ્રસ્ત ટ્રક ચાલકને ૧૦૮ મારફતે હોસ્પિટલ ખસેડવામાં આવ્યો હતો.