મુંબઇ, બિગ બોસ ૧૭માં દરરોજ સ્પર્ધકો તેમના દિલના રહસ્યો જાહેર કરતા જોવા મળે છે. અંક્તિા લોખંડેએ પણ તેના ભૂતકાળ અને વર્તમાન વિશે ઘણી વખત વાત કરી છે. હવે ફરી એકવાર અંક્તિા લોખંડેએ બિગ બોસના ઘરમાં સુશાંત સિંહ રાજપૂતનો ઉલ્લેખ કર્યો છે. બિગ બોસના ઘરમાં, અંક્તિાએ કોઈનું નામ લીધા વિના એક સહ-સ્પર્ધકને કહ્યું કે તે દુલ્હન બનવા તૈયાર હતી પણ તે ક્યારેય આવ્યો નહીં! અંક્તિા લોખંડે એ પણ જણાવ્યું કે તેણે વિકી જૈન સાથે શા માટે લગ્ન કર્યા.
બિગ બોસ ૧૭ના લાઈવ ફીડમાં અંક્તિા લોખંડેએ ફરી એકવાર સુશાંત સિંહ રાજપૂતનો ઉલ્લેખ કર્યો હતો. વાસ્તવમાં, અંક્તિા લોખંડે અને સમર્થ જુરેલ બેસીને વાત કરી રહ્યા હતા જ્યારે અભિનેત્રીએ સુશાંતને યાદ કરીને કહ્યું ‘મને ઘણા વર્ષોથી સાચો પ્રેમ અને પ્રેમ હતો. હું દુલ્હન બનવા પણ તૈયાર હતી પણ મારો વર મને છોડી ગયો. અંક્તિા ફરી કહે છે- મને લાગ્યું કે તે મારો વર છે, પરંતુ તે મારો વર ન બની શક્યો અને પછી વિકી આવ્યો અને મેં તેની સાથે લગ્ન કરી લીધા.
અંક્તિા લોખંડે (બીબી ૧૭) ફરી કહે છે સુશાંત અને હું સાથે હતા ત્યારથી વિકી મારા જીવનમાં છે. વિકી મને ગમ્યો એટલે મેં વિકી સાથે લગ્ન કર્યા. હવે યાર, મારે લગ્ન કરવાં હતાં. અંક્તિાએ વાત પૂરી કરી ત્યારે સમર્થ જુરેલ કહે છે, આ જ કારણ છે કે તારા લગ્ન મોડા થયા. જવાબમાં અંક્તિા કહે છે, ‘હું ઘણા સમયથી તૈયાર હતી પણ હા, લગ્ન થતાં સુધીમાં મોડું થઈ ગયું હતું.’