વડાપ્રધાન નરેન્દ્ર મોદીએ (PM Modi)એક ખાનગી ચેનલને આપેલા ઈન્ટરવ્યુમાં રામ મંદિરને લઈને પોતાની લાગણી વ્યક્ત કરી છે. આ દરમિયાન તેમણે કહ્યું કે હું રામલલાના (Ramlala) દર્શનને શબ્દોમાં વ્યક્ત કરી શકતો નથી. જ્યારે હું દર્શન માટે ત્યાં પહોંચ્યો ત્યારે એવું લાગ્યું કે જાણે ભગવાન રામ મને કહી રહ્યા હોય કે ભારતનો સુવર્ણ યુગ શરૂ થઈ ગયો છે. ભારતના દિવસો આવી ગયા છે. ભારત આગળ વધી રહ્યું છે. પીએમ મોદીએ વધુમાં કહ્યું કે દર્શન દરમિયાન મને એવું લાગ્યું કે જાણે હું 140 કરોડ દેશવાસીઓની આંખોમાં સપના જોઈ રહ્યો છું. એ ક્ષણ હું ભાગ્યે જ ભૂલી શકીશ.
PM Modi એ ઈન્ટરવ્યુ દરમિયાન ઘણી વાતો કહી. આ દરમિયાન વડાપ્રધાને તેમની માતાનો પણ ઉલ્લેખ કર્યો હતો. તેમણે કહ્યું કે મારી માતા હંમેશા કહેતી હતી કે બુદ્ધિથી કામ કરો, પવિત્રતાથી જીવન જીવો. કોઈને નુકસાન ન કરો, ગરીબો માટે કામ કરો.
આ દરમિયાન PM Modi એ કહ્યું કે મેં કોઈપણ કામને નાનું નથી માન્યું. મેં દરેક કામને ખૂબ મહત્વનું ગણ્યું છે. મારા માટે દરેક કામ ટોચનું છે. વિશ્વના નાનામાં નાના દેશો પણ મોટા દેશો જેટલા જ મહત્વપૂર્ણ માનવામાં આવે છે. તેથી જ આજે વિશ્વમાં ભારતની ઓળખ વિશ્વબંધુથી બનેલી છે.
PM Modi એ કહ્યું કે ભાજપ અને એનડીએનું ગઠબંધન ખૂબ જ મજબૂત ગઠબંધન છે. તે એક એવી સંસ્થા છે જે સમાજના વિવિધ પોકેટ્સની શક્તિઓને જોડે છે. તે વિવિધ આર્થિક અને સામાજિક વર્ગોનું પ્રતિનિધિત્વ કરતી પાર્ટીઓનું સંગઠન છે. એનડીએ એક એવો ગુલદસ્તો છે કે સમાજનો દરેક વ્યક્તિ તેમાં પોતાનું ફૂલ જોઈ શકે છે, આ જ અમારી સફળતા છે.
વડાપ્રધાન મોદીએ કહ્યું કે દેશની જનતાને ભાજપ સરકારમાં વિશ્વાસ છે, તેથી તેમણે ‘મિશન 400’ નક્કી કર્યું છે. તેમણે કહ્યું કે લોકોને રાજકીય સ્થિરતા અને તેમના મતની શક્તિનું મહત્વ સમજાયું છે. પીએમ મોદીએ કહ્યું કે ‘વિકસિત ભારત’નો અર્થ એ છે કે દેશના દરેક ખૂણે વિકાસમાં ભાગીદાર બનવું જોઈએ. વિકસિત ભારતનું નિર્માણ કરવા માટે આપણે સૌ પ્રથમ દરેક રાજ્યનો વિકાસ કરવો પડશે. હું માનું છું કે તમિલનાડુમાં વિકસિત ભારતના સપના પાછળનું પ્રેરક બળ બનવાની ક્ષમતા છે.