કર્ણાટક મિલ્ક ફેડરેશને તિરુમાલા તિરુપતિ દેવસ્થાનમને ઘી સપ્લાય કરવા માટે વપરાતા તેના વાહનો પર જીપીએસ ફીટ કર્યું છે, જે તિરુપતિ મંદિરનું સંચાલન કરે છે. તિરુપતિ મંદિરના લાડુમાં પ્રાણીઓની ચરબીના કથિત ઉપયોગના વિવાદને પગલે આ પગલું લેવામાં આવ્યું છે.કેએમએફના મેનેજિંગ ડિરેક્ટર એમકે જગદીશે જણાવ્યું હતું કે ટીટીડી દ્વારા એક મહિના પહેલા ટેન્ડર આપ્યા બાદ નંદિની ઘીનો પુરવઠો પુન:સ્થાપિત કરવામાં આવ્યો છે. ‘નંદિની’ કર્ણાટક મિલ્ક ફેડરેશનની લોકપ્રિય બ્રાન્ડ છે.
કેએમએફના મેનેજિંગ ડિરેક્ટર જગદીશે જણાવ્યું હતું કે, “અમે એક મહિના પહેલા ઘીનો પુરવઠો (ટીટીડીને) ફરી શરૂ કર્યો છે. અમે વાહનોમાં જીપીએસ સિસ્ટમ અને જિયો લોકેશન ડિવાઈસ ઈન્સ્ટોલ કર્યા છે, જેથી અમે જાણી શકીએ કે તેઓ ક્યાં રોકે છે. તેનો ઉદ્દેશ એ સુનિશ્ર્ચિત કરવાનો છે કે ક્યાંય પણ ભેળસેળ ન થઈ શકે.ગ્લોબલ પોઝિશનિંગ સિસ્ટમ નો ઉપયોગ વાહનનું વાસ્તવિક સ્થાન શોધવા માટે થાય છે. તેમના કહેવા પ્રમાણે, કેએમએપને ૩૫૦ ટન ઘી સપ્લાય કરવાનો કોન્ટ્રાક્ટ મળ્યો છે. તેમણે કહૃાું, “જ્યારે જરૂર પડશે ત્યારે અમે ઘી સપ્લાય કરીશું.”
પ્રયોગશાળાના અહેવાલોને ટાંકીને ટીટીડીએ જણાવ્યું હતું કે ઘીમાં પ્રાણીની ચરબી અને અન્ય અશુદ્ધિઓ છે. ટીટીડીના એક્ઝિક્યુટિવ ઓફિસર જે શ્યામલા રાવે જણાવ્યું હતું કે લેબોરેટરી ટેસ્ટમાં પસંદ કરાયેલા સેમ્પલમાં પ્રાણીની ચરબી અને ડુક્કરની ચરબી હોવાનું બહાર આવ્યું છે અને બોર્ડ ભેળસેળયુક્ત ઘી સપ્લાય કરનાર કોન્ટ્રાક્ટરને બ્લેકલિસ્ટ કરવાની પ્રક્રિયામાં છે.