નવીદિલ્હી, નેશનલ ડેસ્ક: વડા પ્રધાન નરેન્દ્ર મોદીએ રવિવારે (૨૮ મે) કહ્યું હતું કે મન કી બાતે બધાને સાથે લાવવાનું કામ કર્યું છે. પીએમ મોદીએ કહ્યું કે જ્યારે ’મન કી બાત’ પ્રસારિત કરવામાં આવી હતી, તે સમયે વિશ્ર્વના વિવિધ દેશોમાં, અલગ-અલગ ટાઈમ ઝોનમાં, ક્યાંક સાંજ થઈ ગઈ હતી તો ક્યાંક મોડી રાત હતી, તેમ છતાં મોટી સંખ્યામાં લોકોએ સમય કાઢ્યો હતો. ૧૦૦મો એપિસોડ સાંભળો.
પીએમ મોદીની મન કી બાતનો ૧૦૧મો એપિસોડ આ રવિવારે પ્રસારિત થયો. પીએમ મોદીએ કહ્યું કે તમે બધાએ ’મન કી બાત’ માટે જે આત્મીયતા અને સ્નેહ દર્શાવ્યો છે તે અભૂતપૂર્વ છે, તે ભાવનાત્મક છે. પ્રધાનમંત્રીએ કહ્યું કે, એક ભારત, શ્રેષ્ઠ ભારતની ભાવનાને બળ આપવા માટે દેશમાં આવો જ બીજો અનોખો પ્રયાસ કરવામાં આવ્યો છે, આ યુવા સંગમનો પ્રયાસ છે.