મેકિસકો, ઉત્તર અમેરિકાના મેક્સિકોમાં ગોળીબારની ઘટના સામે છે. જેમાં ૧૦ રોડ રેસરના મોત થયા છે જ્યારે ૯ ઘાયલ થયા છે. ઉત્તરી મેક્સિકોના બાજા કેલિફોર્નિયામાં શનિવારે એક કાર શોમાં ગોળીબાર થયો હતો. પ્રારંભિક માહિતીમાં એવું કહેવામાં આવ્યું હતું કે બંને પક્ષો વચ્ચેના વિવાદ બાદ ગોળીબાર થયો હતો. આમાં ૧૦ રોડ રેસરના મોત થયા છે.
અમેરિકા દાયકાઓથી આ સંકટનો સામનો કરી રહ્યું છે. ફાયરિંગની ઘટનાઓ અહીં સામાન્ય બની ગઈ છે. ઘણી વખત આ એક રાજકીય મુદ્દો પણ બની ગયો હતો, પરંતુ તેમ છતાં તેમાં કોઈ પ્રકારનો પ્રતિબંધ નહોતો. અમેરિકામાં ગન કલ્ચર સાથે જોડાયેલી ઘટનાઓ સામે આવવા લાગી છે. ક્યારેક જાહેર સ્થળોએ તો ક્યારેક બાર, ક્લબ, રેસ્ટોરન્ટમાં અસામાજીક તત્વો ગોળીબાર કરે છે.આમાં ઘણા લોકો મૃત્યુ પામે છે. ત્યારે આવી જ એક ઘટના મેક્સિકોમાં પણ બની છે. જ્યાં ૧૦ રેસરના મોત થયા છે. કેલિફોર્નિયા રાજ્યના એટર્ની જનરલે જણાવ્યું હતું કે હુમલો એન્સેનાડા શહેરના સાન વિસેન્ટ વિસ્તારમાં ઓલ-ટેરેન કાર રેસિંગ શો દરમિયાન થયો હતો.
૯૧૧ કોલના અહેવાલો દર્શાવે છે કે હુમલાખોરો મોટી બંદૂકોથી સજ્જ હતા. હુમલાખોરો ગ્રે વાનમાંથી બહાર આવ્યા અને ગોળીબાર કર્યો. માહિતી મળ્યા બાદ પ્રશાસનના હાથ-પગ પણ ફૂલી ગયા હતા. મ્યુનિસિપલ અને રાજ્ય પોલીસ, મરીન, ફાયર બ્રિગેડ અને મેક્સિકન રેડ ક્રોસ તમામ ઘટના સ્થળે દોડી આવ્યા હતા. જેમાં ૧૦ લોકોના ઘટનાસ્થળે જ મોત થયા હતા.બાકીના ૯ લોકોની હાલત હજુ પણ નાજુક છે. તેને તાત્કાલિક હોસ્પિટલમાં દાખલ કરવામાં આવ્યો હતો. જ્યાં તેની સારવાર ચાલી રહી છે. હાલમાં કેટલાક લોકોની હાલત નાજુક છે. અમેરિકન સરકારે હવે આમાં કોઈ મોટો નિર્ણય લેવો જોઈએ. નહિંતર, રોજબરોજ આવા કિસ્સાઓ ક્યાંક ને ક્યાંકથી આવતા રહેશે.કહેવામાં આવી રહ્યું છે કે જ્યાં ફાયરિંગની ઘટના બની તે વિસ્તાર ડ્રગ્સની તસ્કરી માટે કુખ્યાત છે. ગોળીબારની માહિતી મળ્યા બાદ રાજ્ય પોલીસ અને અન્ય એજન્સીઓ ઘટનાસ્થળે પહોંચી અને ઘાયલોને નજીકની હોસ્પિટલમાં ખસેડ્યા. કહેવામાં આવી રહ્યું છે કે પીડિતોની ઓળખ હજુ સુધી જાહેર કરવામાં આવી નથી.
તમને જણાવી દઈએ કે ૧૫ મેના રોજ મેક્સિકોના ફાર્મિગટન શહેરમાં ફાયરિંગની વધુ એક ઘટના સામે આવી હતી, જેમાં ત્રણ લોકોના મોત થયા હતા. આ ઘટનામાં બે લોકો ઘાયલ પણ થયા છે.