છેલ્લા આઠ વર્ષથી રોજ એક વોટર કલર પેઇન્ટિંગ બનાવનાર કલાસાધક મહીસાગર જીલ્લાના યુવા ચિત્રકાર બિપિન પટેલની યશકલગીમાં વધુ એક છોગુ ઉમેરાયું છે તેમણે અત્યાર સુધીમાં સતત 2947 દિવસમાં 2947 પેઇન્ટિંગ પૂર્ણ થયા છે. અવિરત રોજ એક વોટર કલર પેઇન્ટિંગ બનાવી અનોખી કલાસાધના જીવનમાં આત્મસાત કરનાર આર્ટીસ્ટ બીપીન પટેલે વિશ્ર્વસ્તરે અને રાષ્ટ્રીયસ્તરે પણ નામના મેળવી છે. આર્ટિસ્ટ બિપિન પટેલએ તેમની કલાયાત્રામાં અનેક કીર્તિમાન સ્થાપ્યા છે. તાજેતરમાં ગુજરાત રાજ્યના 64મું રાજ્ય કલા પ્રદર્શન સ્પર્ધામાં વિવિધ વિભાગનું પરિણામ જાહેર થયું છે. જેમાં ચિત્રકાર બિપિન પટેલની કૃતિ સીટી સ્ટ્રીટને રસીકલાલ પરીખ એવોર્ડ સાથે રૂપિયા પાંચ હજારનો પુરસ્કાર પ્રાપ્ત થયો છે.તેમની આ ગૌરવપૂર્ણ સિધ્ધી બદલ સૌએ અભિનંદન પાઠવ્યા છે.