લુણાવાડા, લુણાવાડા પોલીસ મથકે સગીરવયની યુવતિને આરોપી અપહરણ કરી ભગાડી જવાના ગુનામાં પોલીસને મળેલ બાતમીના આધારે રાજસ્થાન જયપુર ખાતેથી ભોગ બનનાર સગીરા અને આરોપીને ઝડપી પાડવામાં આવ્યા.
પ્રાપ્ત વિગતો મુજબ લુણાવાડા તાલુકાના રાણપુર ગામે રહેતા આરોપી સુરેશભાઇ વાલાભાઈ પરમાર જે ફરિયાદીની સગીરવયની પુત્રીને પટાવી ફોસલાવીને ભગાડી અપહરણ કરી ગયેલ હોય આ બાબતે લુણાવાડા તાલુકા પોલીસ મથકે ઈ.પી.કો.કલમ 363, 366 મુજબ ગુનો નોંધાવા પામ્યો હતો. અપહરણના ગુનામાં આરોપીને શોધવા માટે પોલીસ લાગેલ હોય ત્યારે બાતમી મળી હતી કે આરોપી હાલ ભોગ બનનાર સગીરા સાથે રાજસ્થાનના જયપુર શહેરમાં રહેતા હોય તેવી ચોકકસ માહિતીના આધારે મહિસાગર પોલીસે અલગ અલગ ટીમ બનાવી જયપુરમાં વોચ ગોઠવીને ભોગ બનનાર સગીરા તેમજ આરોપી સુરેશભાઇ પરમારને ઝડપી પાડી લુણાવાડા તાલુકા પોલીસ મથકે લાવી કાયદેસરની કાર્યવાહી હાથ ધરવામાં આવી.