લુણાવાડા, લુણાવાડા-મોડાસા હાઈવે રોડ ખાનપુરના વડાગામ પાસે સ્પીડ બ્રેકરના કારણે સર્જાયેલ અકસ્માતમાં ઈકો કારમાં જતાં 6 લોકોને ગંભીર ઈજાઓ થવા પામી છે.
પ્રાપ્ત વિગતો મુજબ લુણાવાડા-મોડાસા હાઈવે રોડ ઉપર ખાનપુરના વડાગામ પાસે રોડ ઉપર મુકવામાં આવેલ સ્પીડ બે્રકરના કારણે અવારનવાર અકસ્માત થતા હોય આજે આ સ્પીડ બ્રેકરને કારણે રોડ ઉપરથી પસાર થતી ઈકો ગાડીને અકસ્માત નડયો હતો. અકસ્માતમાં ઈકોમાં સવાર 6 લોકોને ગંભીર ઈજાઓ થવા પામી હતી. સદ્દનસીબે જાનહાનિ ટળી હતી. ઈજાગ્રસ્તોને લુણાવાડા સરકારી હોસ્પિટલમાં ખસેડવામાં આવ્યા.