મહિસાગર જિલ્લાના લુણાવાડા તાલુકાના ખાતુ પગીના મુવાડા ગામે અજાણ્યા વાહનની ટકકરે મોટરસાયકલ ચાલકનુ ધટના સ્થળે મોત નીપજયું હતુ.
પંચમહાલ જિલ્લાના શહેરા તાલુકાના નાકોડી ઉપલીયા ફળિયા રહેતા બુધાભાઈ સાલમભાઈ નાયકાના દિકરા મહેન્દ્રભાઈ બુધાભાઈ નાયક ફતેપુરામાં રહેતા અશ્વિનભાઈ પટેલના ધરે સાતેક દિવસથી ડાંગર રોપવા માટે તેમના ગામના અરવિંદભાઈ નવાભાઈ નાયકની મોટરસાયકલ લઈ ગયા હતા અને ત્યાં જ રોકાયા હતા. તા.07ના રોજ મહેન્દ્રભાઈ નાકોડી ગામે આવવા માટે નીકળ્યા હતા. તે દરમિયાન ખાતુ પગીના મુવાડા ગામે અજાણ્યા વાહનચાલકે તેનુ વાહન પુરઝડપે હંકારી લાવી મહેન્દ્રભાઈની મોટરસાયકલને ટકકર મારતા ગંભીર ઈજાઓના કારણે મહેન્દ્રભાઈનુ મોત નીપજયું હતુ. અકસ્માત સર્જનાર વાહન ચાલક વાહન લઈ નાસી ગયો હતો. મહેન્દ્રભાઈના મૃતદેહને કોઠંબા સરકારી દવાખાને લઈ ગયા હતા. આ બનાવની બુધાભાઈ સાલમભાઈ નાયકે ફરિયાદ નોંધાવતા કોઠંબા પોલીસે અજાણ્યા વાહનચાલક વિરુદ્ધ ફરિયાદ નોંધી આગળ કાર્યવાહી હાથ ધરી હતી.