શહેરા, શહેરા-ગોધરા હાઇવે પર આવેલ ખાંડીયા નજીક રોડની સાઈડમાં ઉભેલ ડમ્પરને સ્વીફ્ટ કારના ચાલકે અડફેટે લેતા અકસ્માત સર્જાયો હતો.
પ્રાપ્ત વિગતો અનુસાર વડોદરા શહેરના કપુરાઈ ચોકડી નજીક આવેલ ધનલક્ષ્મી પાર્ક ખાતે રહેતા ક્ષિતિજ હરેશકુમાર ગાંધીએ શહેરા પોલીસ મથકે પોતાની ફરિયાદ નોંધાવી હતી. જેમાં તેઓએ જણાવ્યું હતું કે, તેઓનો ભાઈ યોજીત પોતાની સ્વીફટ કાર નંબર જીજે.6.એલઈ.5202માં સવાર થઈ શહેરા-ગોધરા હાઇવે ઉપરથી પુરઝડપે અને ગફલતભરી રીતે પસાર થઈ રહ્યા હતા. તે સમય દરમ્યાન ખાંડીયા ગામ નજીક રોડની સાઈડમાં ઉભેલ એક ડમ્પર નંબર જીજે.18.એયુ.7062ને પાછળ થી અડફેટે લેતા અકસ્માત સર્જાયો હતો. જેને લઈને સ્વીફ્ટ કારમાં સવાર યોજીત ગાંધીને નાની-મોટી ઈજાઓ પહોંચતા તેઓ પોતાની કાર સ્થળ પર મૂકી નજીકની હોસ્પિટલમાં દવા સારવાર માટે દાખલ થયા હતા. જોકે, આ થયેલા અકસ્માતમાં બંને વાહનોને નુકશાન પહોંચવા સાથે પોલીસ મથકે ફરિયાદ નોંધાઇ હતી.