લોક્સભાની ચૂંટણીમાં કોંગ્રેસે બિહારમાં અગાઉની ચૂંટણીઓ કરતા સારૂ પ્રદર્શન કરીને ભલે પોતાની સીટો વધારી હોય, પરંતુ હવે હારના કારણોની શોધમાં ’અંતર્ગતતા’ પણ બહાર આવવા લાગી છે. કોંગ્રેસના પ્રદેશ અધ્યક્ષ અખિલેશ પ્રસાદ સિંહે પણ ભ્રષ્ટાચારના કારણે ચૂંટણીમાં અપેક્ષિત સફળતા ન મળવાની વાત કરતા આવા લોકો સામે કાર્યવાહી કરવાના સંકેત આપ્યા છે.
આ લોક્સભા ચૂંટણીમાં, કોંગ્રેસે મહાગઠબંધન હેઠળ ૯ બેઠકો પર ઉમેદવારો ઉભા રાખ્યા હતા, જેમાં પાર્ટી ત્રણ બેઠકો પર સફળ રહી હતી. હવે ગુમાવેલી બેઠકો અંગે સમીક્ષા શરૂ થઈ ગઈ છે. ભાગલપુર લોક્સભા ક્ષેત્રમાં કોંગ્રેસના ઉમેદવાર અજીત શર્માને હારનો સામનો કરવો પડ્યો હતો. હારની સમીક્ષા બેઠક દરમિયાન અહીંની લડાઈ સ્પષ્ટપણે દેખાઈ રહી હતી. સમીક્ષા બેઠક દરમિયાન જ ભાગલપુર જિલ્લા અધ્યક્ષ પરવેઝ જમાલે હારનો દોષ ભાગલપુરના ઉમેદવાર અજીત શર્મા પર નાખ્યો હતો. ડિસ્ટ્રિક્ટ કમિટીએ સ્પષ્ટપણે કહ્યું કે પાર્ટીના કાર્યકરોનું સન્માન કરવામાં આવ્યું નથી અને તેમને બાજુ પર રાખવામાં આવ્યા છે. અજીત શર્માએ સહકાર ન આપવા માટે પાર્ટી કાર્યર્ક્તાઓને જવાબદાર ઠેરવ્યા છે.
સૂત્રોનું કહેવું છે કે ચૂંટણી દરમિયાન જ કોંગ્રેસના પ્રદેશ અધ્યક્ષ અખિલેશ પ્રસાદ સિંહને ખ્યાલ આવી ગયો હતો કે ઘણા વિસ્તારોમાં ઉમેદવારોને અડચણોનો સામનો કરવો પડી રહ્યો છે. પરંતુ, તે સમયે કાર્યવાહી યોગ્ય માનવામાં આવી ન હતી. ચૂંટણી બાદ પ્રદેશ પ્રમુખે કહ્યું હતું કે લોક્સભાની ચૂંટણીમાં કેટલીક ગેરરીતિઓ થઈ હતી. પાર્ટીના નેતાઓ દ્વારા શિસ્તભંગના કિસ્સાઓ પ્રકાશમાં આવી રહ્યા છે. પક્ષના કોઈપણ સભ્ય, તેમની સ્થિતિને યાનમાં લીધા વિના, આવી પ્રવૃત્તિઓમાં સંડોવાયેલા જણાશે તો તેમની સામે શિસ્તભંગના પગલાં લેવામાં આવશે. આ દરમિયાન તેમણે તપાસ કરાવવાની વાત પણ કરી હતી.
એવું કહેવામાં આવી રહ્યું છે કે આવતા વર્ષે વિધાનસભાની ચૂંટણીઓ યોજાવાની છે અને કોંગ્રેસ કોઈપણ ભોગે લોક્સભા ચૂંટણીની ભૂલો સુધારવા માંગે છે. બાય ધ વે, લોક્સભા ચૂંટણી દરમિયાન ટિકિટને લઈને કોંગ્રેસમાં નારાજગી જોવા મળી હતી. ત્યારે અનેક બેઠકો પર અન્ય પક્ષોના નેતાઓને ટિકિટ આપવામાં આવતા પ્રશ્ર્નો ઉભા થયા છે. આવા લોકોનો સંદર્ભ મુઝફરપુરના ઉમેદવાર અજય નિષાદ, સમસ્તીપુરના સની હજારી અને મહારાજગંજના આકાશ સિંહ તરફ હતો.
કોંગ્રેસના ધારાસભ્ય પ્રતિમા દાસે ચૂંટણીમાં અપેક્ષિત સફળતા ન મળવા માટે કોંગ્રેસ પ્રદેશ અયક્ષને જવાબદાર ઠેરવ્યા છે. યૂથ કોંગ્રેસના પૂર્વ પ્રદેશ અયક્ષ અને ગત વિધાનસભા ચૂંટણીમાં સુલતાનગંજના ઉમેદવાર લાલન કુમાર કહે છે કે આ ચૂંટણીમાં ભાગલપુરના ઉમેદવારે કોંગ્રેસના નેતાઓને પૂછ્યું પણ નહોતું. સુલતાનગંજ વિસ્તાર ભાગલપુર જિલ્લાનો છે. કાર્યકરોની અવગણના કરવી કોંગ્રેસને મોંઘી સાબિત થઈ.