લીમખેડા, લીમખેડા તાલુકાના જેતપુર(દુ)ગામના સતીષભાઈ ઉર્ફે રતીલાલ હરીભાઈ ભરવાડ જીજે-17-બીએફ-1828 નંબરની બાઈક ઉપર લીમડાના પાલ્લી વિસ્તારમાં જી.ઈ.બી.ઓફિસ સામેથી પસાર થઈ રહ્યા હતા તે સમયે લીમખેડા તરફથી પુરઝડપે અને ગફલતભરી રીતે હંકારી આવતા જીજે-20-કયુ-4928 નંબરની બાઈકના ચાલકે અન્ય વાહનને ઓવરટેક કરવા જતા રતીલાલ ભરવાડની બાઈકને સામેથી ટકકર મારી હતી. અકસ્માતમાં બંને બાઈક સવાર રસ્તા ઉપર પટકાયા હતા. જેમાં સતીષભાઈ ઉર્ફે રતીલાલ ભરવાડને માથામાં તથા શરીરે ગંભીર ઈજાઓ થઈ હતી. તેમને તાત્કાલિક લીમખેડા સરકારી દવાખાનામાં પ્રાથમિક સારવાર આપી વધુ સારવાર માટે દાહોદની જનરલ હોસ્પિટલમાં રીફર કરવામાં આવ્યા હતા. જયાં ફરજ ઉપરના તબીબે રતીલાલ ભરવાડને મૃત જાહેર કર્યા હતા. બનાવ સંદર્ભે પંકજભાઈ ભરવાડે લીમખેડા પોલીસ મથકમાં ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી હતી.