લીમખેડા,
તારીખ 13/2/2023 ને સોમવારના રોજ ઝરોલા (દુ.) પ્રાથમિક શાળા ખાતે લીમખેડા તાલુકાના બી.આર. સી. કો. ઋષિભાઈ સલાણીયાના અધ્યક્ષ સ્થાને સાંસ્કૃતિક કાર્યક્રમનું સુંદર આયોજન કરવામાં આવ્યું. જેમાં બાળકોએ પ્રાર્થના, સ્વાગત ગીત, રાસ, ગરબા, વ્યસન મુક્તિ નાટક, શિક્ષણનું મહત્વસમજાવતું નાટક, કવ્વાલી વગેરે ખુબજ સરસ કૃતિઓની રજૂઆત કરી. જેમાં આજુબાજુની ઝરોલા દુ. વર્ગશાળા, ધાનપુર પાટડી, મુખ્ય તથા વર્ગ પ્રા. શાળા, નિનામાની વાવ પ્રા.શા,ળા વગેરેના મુખ્યશિક્ષકઓએ હાજર રહી બાળકોને ઉત્સાહ પૂરો પાડ્યો. આ કાર્યક્રમ સાથે નિનામાની વાવ પ્રા. શાળાના બાળકોએ ટ્વીનિંગ કાર્યક્રમ અંતર્ગત ઝરોલા દુ. શાળાની મુલાકાત કરી હતી. કાર્યક્રમમાં ગામ માંથી મોટી સંખ્યામાં વાલીઓ વડીલો હાજર રહ્યા હતાં. શાળામાં તમામ હાજર રહેલાં ગ્રામજનો માટે તથા બાળકો માટે શાળા તરફથી ભોજનની વ્યવસ્થા કરવામાં આવી હતી. કાર્યક્રમના અંતે શાળાના આચાર્ય બાબુભાઇ ચૌહાણે તમામનો આભાર વ્યક્ત કરી કાર્યક્રમનું સમાપન કરવામાં આવ્યું હતું.