ભુજ,\ કચ્છમાં સવારે ભૂકંપનો આંચકો આવતા ભયનો માહોલ સર્જાઈ ગયો છે. લોકો હાંફળાફાંફળા બનીને બહાર આવી ગયા હતા. કચ્છના સરહદી વિસ્તારોમાં ભૂકંપનો આંચકો આવ્યો હતો. ભૂકંપના આ આંચકાનું કેન્દ્રબિંદુ લખપતથી ૬૦ કિ.મી. દૂર નોંધાયું છે. આંચકાના લીધે લોકોએ ગભરાટની લાગણી અનુભવી હતી. કચ્છમાં હવે ભૂકંપના આંચકા અવારનવાર આવી રહ્યા છે. આ પ્રકારના આંચક લગભગ અમુક-અમુક દિવસના અંતરે નોંધાય છે. આ આંચકાની તીવ્રતાની સરેરાશ સામાન્ય રીતે ૩થી ૪ રિક્ટર સ્કેલની વચ્ચે હોય છે.
ઉલ્લેખનીય છે કે કચ્છમાં ૨૦૦૧માં આવેલા ભૂકંપને રીતસરનો વિનાશ વેર્યો હતો. આ ભૂકંપની તીવ્રતા રિક્ટર સ્કેલ પર ૬.૯ની હતી. તેની અસર સમગ્ર પશ્ર્ચિમ ભારતમાં અનુભવાઈ હતી. કચ્છમાં આવેલો આ ભૂકંપનો આંચકો ગુજરાત ઉપરાંત રાજસ્થાન, મધ્યપ્રદેશ અને મહારાષ્ટ્રમાં પણ અનુભવાયો હતો. સરકારે આ ભૂકંપ અંગે જાહેર કરેલા મૃત્યુના સત્તાવાર આંકડા મુજબ લગભગ દસ હજાર લોકોથી વધુના મોત થયા હતા. ૨૫ હજારથી વધારે લોકો ઇજાગ્રસ્ત થયા હતા. કેટલાય લોકો ગુમ થઈ ગયા હતા. ભૂકંપની આ હોનારતમાંથી તો કચ્છ બેઠું થઈ ગયું, પરંતુ તેની સ્મૃતિઓમાંથી હજી પણ તે ભૂકંપ ઘયો નથી.