મુંબઇ,એન્ટરટેઈનમેન્ટ ઈન્ડસ્ટ્રીના પ્રખ્યાત અને દિગ્ગજ ગાયક કુમાર સાનુના અવાજનો જાદુ લોકોને દિવાના કરે છે. હવે તેમના પછી તેમની પુત્રી શેનન પણ બોલિવૂડમાં પગ મુકવા જઈ રહી છે. તે જલદી જ અભિનેત્રી તરીકે ડેબ્યુ કરવા જઈ રહી છે. તેની ડેબ્યૂ ફિલ્મ ‘ચલ ઝિંદગી’નું મોશન પોસ્ટર સામે આવ્યું છે.
ચલ ઝિંદગી એક રોડ ટ્રિપ આધારિત ફિલ્મ બનવા જઈ રહી છે, જેનું નિર્દેશન વિવેક શર્મા કરી રહ્યા છે. આ ફિલ્મમાં શેનનની સામે ટીવી એક્ટર વિવેક દહિયા જોવા મળશે. તે જ સમયે, સંજય મિશ્રા, વિવાન શર્મા અને મીતા વશિષ્ઠ પણ આ ફિલ્મનો એક ભાગ છે. તમને જણાવી દઈએ કે આ શેનન સાથે વિવેકની ડેબ્યુ ફિલ્મ પણ છે. આ પહેલા તેણે ઘણી ટીવી સીરિયલ્સમાં કામ કર્યું છે.
મેર્ક્સે આ ફિલ્મનું મોશન પોસ્ટર ૩ એપ્રિલે રિલીઝ કર્યું છે, જેને શેનને તેના ઇન્સ્ટાગ્રામ દ્વારા પણ શેર કર્યું છે. આ ફિલ્મ રોડ ટ્રીપ પર આધારિત હોવાથી તેની ઝલક આ મોશન પોસ્ટરમાં સ્પષ્ટપણે જોવા મળે છે. શેનન, વિવેક દહિયા અને અન્ય સ્ટાર્સ બાઇક ચલાવીને રોડ ટ્રિપની મજા લેતા જોવા મળે છે.
શેનન અભિનેત્રી હોવાની સાથે સિંગર પણ છે. જ્યારે ચલ જીંદગીમાં તેણે પિતાની સાથે બે ગીતોને પણ પોતાનો અવાજ આપ્યો છે. જો કે આ ફિલ્મ ક્યારે જોવા મળશે, તે અંગે હાલમાં કોઈ માહિતી સામે આવી નથી. શેનન અત્યાર સુધી લાઈમલાઈટથી દૂર છે. જો કે, આમ હોવા છતાં, સોશિયલ મીડિયા પર તેની મજબૂત ફેન ફોલોઈંગ છે. તેને ઈન્સ્ટાગ્રામ પર ૩.૪ મિલિયન એટલે કે ૩૪ લાખથી વધુ લોકો ફોલો કરે છે. તે અવાર-નવાર ફોટા અને વીડિયો પોસ્ટ કરતી રહે છે.