મુંબઇ, ક્રિતી સૅનનનું કહેવું છે કે ’ક્રૂ’માં પુરુષોને નીચા દેખાડવામાં નથી આવ્યા. ઍરલાઇન ઇન્ડસ્ટ્રી અને ત્રણ ઍર-હૉસ્ટેસિસની સ્ટોરી દેખાડતી ક્રિતી સૅનન, કરીના કપૂર ખાન અને તબુની ફિલ્મ ૨૯ માર્ચે થિયેટરોમાં રિલીઝ થશે. ફિલ્મમાં દિલજિત દોસંજ અને કપિલ શર્માનો સ્પેશ્યલ અપીઅરન્સ છે. આ ફિલ્મ વિશે ક્રિતી કહે છે, ’મને એવું લાગે છે કે જ્યારે પણ કોઈ મહિલાલક્ષી ફિલ્મ આવે કે યુવતીઓ હોય તો લોકો વિચારે છે કે એ સિરિયસ ફિલ્મ હશે.
ઘણા લોકો એવું પણ વિચારે છે કે ફિલ્મ કોઈ ચોક્કસ મુદ્દા પર બનાવવામાં આવી હશે અથવા તો એમાં પુરુષોને નીચા દેખાડવામાં આવ્યા હશે. જોકે આ ફિલ્મમાં એવું કાંઈ જ નથી. આ ફિલ્મમાં મહિલાઓએ ખૂબ સરસ રીતે કૉમેડી કરી છે. મને આશા છે કે તમને બધાને આ ફિલ્મ ગમશે.’