સ્ટેટ મોનીટરીંગ સેલ (એસએમસી)ના અધિકારીઓએ ખેડામાં કારમાં લઈ જવાતો દારૂનો જથ્થો ઝડપી લઈને એક આરોપીની ધરપકડ કરી હતી. જ્યારે ત્રણ આરોપીની શોધ હાથ ધરી છે. પોલીસે દારૂનો જથ્થો અને વાગન મળીને કુલ રૂ. ૭,૧૨,૩૭૬ નો મુદ્દ્માલ કબજે કર્યો હતો.
એસએમસીના અધિકારીઓને માહિતી મળી હતી કે ખેડામાં કપડવંજ સ્થિત જુના બોભા ગામ, વાત્રક નદીના પૂલ પરથી કારમાં દારૂનો જથ્થો લઈને કેટલાક શખ્સો પસાર થવાના છે. જેને આધારે પોલીસે અહીં જાળ બિછાવીને કાર આંતરી હતી. કારમાંથી પોલીસને રૂ.૨,૦૫,૮૭૬ નો દારૂ અને બિયરનો જથ્થો મળી આવ્યો હતો. તે સિવાય મોબાઈલ અને કાર મળીને કુલ રૂ. ૭,૧૨,૩૭૬ નો મુદ્દ્માલ કબજે કર્યો હતો.
પોલીસે આ કેસમાં રાજસ્થાનના ડુંગરપુરના રહેવાસી રાજુ ડોલારામ ડામોરની ધરપકડ કરી હતી. જોકે તત્રણ આરોપી ફરાર થઈ જતા પોલીસે તેમની શોધ હાથ ધરી છે. ફરાર આરોપીઓમાં ગોમા ડામોર કારના માલિક અને કારના ડ્રાઈવરનો સમાવેશ થાય છે. ધરપકડ કરાયેલા આરોપીને અતરાસુંબા પોલીસ સ્ટેશનને સોંપી દેવાયો હતો. અતરાસુંબા પોલીસ આ અંગે વધુ તપાસ કરી રહી છે.