ખેડા જીલ્લામાં તા.24 જુલાઈ બુધવારના રોજ તાલુકા સ્વાગત કાર્યક્રમ યોજાશે. જેમાં જીલ્લા કલેક્ટર ખેડાના અધ્યક્ષસ્થાને ઠાસરા તાલુકા સેવા સદન ખાતે, જીલ્લા વિકાસ અધિકારીના અધ્યક્ષસ્થાને ગળતેશ્ર્વર, જીલ્લા પોલીસ અધિક્ષકના અધ્યક્ષસ્થાને કપડવંજ, નાયબ કલેક્ટર સ્ટેમ્પ ડ્યુટીના અધ્યક્ષસ્થાને નડિયાદ, નાયબ વન સંરક્ષક ખેડા નડિયાદના અધ્યક્ષસ્થાને કઠલાલ, નાયબ કલેક્ટર જ.સુ અને અપીલની અધ્યક્ષસ્થાને મહુધા, પ્રાંત અધિકારી ખેડાના અધ્યક્ષસ્થાને ખેડા, જીલ્લા પુરવઠા અધિકારીના અધ્યક્ષસ્થાને મહેમદાવાદ, જીલ્લા આયોજન અધિકારીના અધ્યક્ષસ્થાને માતર અને નાયબ જીલ્લા ચૂંટણી અધિકારીની અધ્યક્ષતામાં વસો તાલુકા સેવા સદન ખાતે 24 જુલાઈના રોજ 11 કલાકે તાલુકા સ્વાગત કાર્યક્રમ યોજાશે.
તાલુકા સ્વાગત કાર્યક્રમમાં અગાઉ સંબધિત કચેરીએ પોતાની રજૂઆત/ફરિયાદ કરી હોય અને નિરાકરણ આવેલ ન હોય તેવા પ્રશ્ર્નો રજૂ કરવા જાહેર જનતાને જાણ કરવામાં આવે છે.
આ કાર્યક્રમમાં ન્યાયીક તુલ્ય બાબતો, કોર્ટ મેટર, સ્ટે. (મનાઈ હુકમ), અપીલો, માહિતી અધિકાર અધિનિયમ, આકારણીને લગતા પ્રશ્ર્નો તેમજ નોકરી, પેન્શન, રહેમરાહે નોકરીને લગતી બાબતોનો સમાવેશ કરવામાં આવશે નહીં. જેની નોંધ લેવા અધિક નિવાસી કલેક્ટર, ખેડા-નડિયાદ દ્વારા જણાવાયુ છે.