ખેડા જીલ્લામાં 78મા સ્વાતંત્ર્ય પર્વની રાજ્યકક્ષાની ઉજવણીના ભાગરૂપે સમગ્ર જીલ્લામાં તાલુકા પંચાયત તથા નગરપાલિકા દ્વારા તા.05 ઓગસ્ટ થી તા.12 ઓગસ્ટ દરમિયાન વિવિધ વિકાસ કામોનું લોકાર્પણ,ખાતમુહુર્ત કાર્યક્રમો યોજવામાં આવ્યા છે. આજે જીલ્લાનાં 11 ગામોમાં રૂ. 196.831 લાખના કુલ 58 કામોનું ખાતમુહુર્ત, લોકાર્પણ કરવામાં આવ્યું હતું. બુધવારે જીલ્લાના 28 ગામોમાં રૂ. 84.287 લાખના કુલ 51 કામોનું લોકાર્પણ અને ખાતમુહુર્ત કરવામાંઆવ્યું હતું. અત્રે ઉલ્લેખનીય છે કે, કુલ ચાર દિવસમાં જીલ્લાના 84 ગામોમાં રૂ. 408.27 લાખના 174 વિકાસ કામોનું લોકાર્પણ – ખાતમુહૂર્ત કરવામાં આવ્યું છે.
આ કામોમાં પીવાનું પાણી, બોર, પેવર બ્લોક, ગટરલાઈન, પાણીની પાઈપલાઈન, સીસી રોડ, વરસાદી પાણીના નિકાલ માટેની ગટરલાઈન જેવા ગ્રામ્ય જનસુવિધા અને જનસુખાકારીનાં વિકાસકામોનું લોકાર્પણ-ખાતમુહુર્ત સ્થાનિક ધારાસભ્ય, પદાધિકારીઓ અને અધિકારીઓની ઉપસ્થિતિમાં કરવામાં આવ્યું હતું.
નોંધનીય છે કે આવતી કાલે તા.09, ઓગસ્ટ,શુક્રવારના રોજ 19 સ્થળોએ રૂ.177.985 લાખના કુલ 48 કામોનું ખાતમુહુર્ત-લોકાર્પણ કરવામાં આવનાર છે.