ખેડા જીલ્લામાં 05 મેનારોજ રન ફોર વોટ કેમ્પેઈન યોજાશે

• સિનિયર સિટીઝન માટે એક કિમી શોર્ટ રૂટ તથા રમતવીરો અને પોલીસ જવાનો માટે 05 કિમી લોંગ રૂટની રન ફોર વોટ યોજાશે.

નડિયાદ,લોકસભા સામાન્ય ચૂંટણી-2024 અંતર્ગત મતદાન જાગૃતિ માટે જીલ્લા રમત પ્રશિક્ષણ કેન્દ્ર નડિયાદ દ્વારા તા. 05/05/2024 ના રોજ છીક્ષ રજ્ઞિ ટજ્ઞયિં કેમ્પેઇનનું આયોજન કરવામા આવેલ છે. 05 મે રવિવારના રોજ સવારે 06:30 કલાકે થી એક કિમીની શોર્ટ રૂટ અને 05 કિમિની લોંગ રૂટ માટે રન ફોર વોટ યોજાશે.

જેમાં સિનિયર સીટીઝનો માટે રમત ગમત સંકુલથી સલુણ પોલીસ ચોકી થઈ રમત સંકુલ પરત સુધી એક કી.મી ની અને રમત સંકુલના ખેલાડીઓ તથા પોલીસ જવાન/હોમગાર્ડ માટે રમત સંકૂલથી સલુણ પોલીસ ચોકી, સરદાર પટેલ જન્મસ્થળ, ઈપ્કોવાલા હોલ સર્કલ, મહાગુજરાત સર્કલ થઈ સલુણ પોલીસ ચોકીથી રમત સંકુલ પરત સુધીની 05 કિ.મી ની લોંગ રૂટની રન ફોર વોટ યોજાશે એમ જીલ્લા રમત વિકાસ અધિકારી, જીલ્લા રમત પ્રશિક્ષણ કેન્દ્ર, નડિયાદ દ્વારા જણાવાયુ છે.