ખાનપુર, દર વર્ષે 2 ઓકટોબરથી 8 ઓકટોબર સુધી વન્યપ્રાણી સપ્તાહ તરીકે ઉજવવામાં આવે છે. આ સપ્તાહ દરમિયાન રેન્જ દ્વારા વિવિધ પ્રોગ્રામોનુ આયોજન કરી નાગરીકોમાં વન્યપ્રાણીઓ અંગેની સમજ કેળવવાની તથા તેમના વિશેની ગેરમાન્યતાઓ દુર કરી વન્યપ્રાણીઓને માનવ દ્વારા કોઈ નુકસાન અથવા તો તેઓના રહેણાંકને નુકસાન ન પહોંચાડવા બાબતે સંદેશો આપવામાં આવે છે. વન્યપ્રાણીઓ પ્રત્યે સામાન્ય માણસોમાં પ્રેમ જાગૃત થાય તે માટે પ્રયત્નો કરવામાં આવે છે. સામાન્ય માણસોમાં વન્યપ્રાણીઓ વિશે જે ગેરસમજ હોય તે દુર કરવાનો પ્રયત્ન કરવામાં આવે છે. ખાનપુર ફોરેસ્ટ રેન્જ દ્વારા તા.2થી 8 ઓકટોબર 2023 દરમિયાન વન્યપ્રાણી સપ્તાહની ઉજવણી કરવામાં આવી રહી છે. જેમાં અલગ અલગ કાર્યક્રમો કરવામાં આવે છે. તે અંતર્ગત મોટા ખાનપુર પ્રાથમિક શાળા ખાનપુર ખાતે વકૃતસ્પર્ધાનુ આયોજન કરવામાં આવ્યુ. જેમાં ભાગ લીધેલ બાળકોમાંથી 1 થી 3 નંબર આપી પ્રોત્સાહન ઈનામ આપવામાં આવ્યુ હતુ.