મુંબઇ, કેટરીના કૈફનો એક જૂનો વીડિયો સોશિયલ મીડિયા પર સામે આવ્યો છે, જેમાં તે કચરો વાળતી જોવા મળી રહી છે. આ વીડિયો ફિલ્મ ’સૂર્યવંશી’ના શૂટિંગ દરમિયાનનો જણાવવામાં આવી રહ્યો છે. વીડિયોના બેકગ્રાઉન્ડમાં અક્ષય કુમારનો અવાજ પણ સંભળાય છે. કેટરિનાએ સફેદ રંગનો સલવાર-કુર્તો પહેર્યો છે. અક્ષય કુમારે કેટરિનાને પૂછ્યું કે કેટરિના શું કરી રહી છે? જેના જવાબમાં કેટરીનાએ કહ્યું- ’હું સફાઈ કરી રહી છું’. આ પછી કેટરીનાએ અક્ષયને સાવરણી વડે માર્યો, જો કે આ વીડિયોમાં અક્ષય દેખાતો નથી.
ચાહકોએ આ વીડિયો પર લાઈક્સ અને કોમેન્ટનો વરસાદ કર્યો. કોમેન્ટ કરતા એક યુઝરે લખ્યું, ’રિયલ ક્વીન’. અન્ય એક યુઝરે લખ્યું, ’ધર્મ પત્ની’ તો ત્રીજાએ લખ્યું, ’કેટરિના મેમ સફાઈ કરી રહી છે અને હું આ સમયે તેના પતિની મૂવી એન્જોય કરી રહી છું’. તમને જણાવી દઈએ કે, કેટરીના અને અક્ષયની ફિલ્મ ’સૂર્યવંશી’ ૫ નવેમ્બર ૨૦૨૧ના રોજ રીલિઝ થઈ હતી. આ ફિલ્મે બોક્સ ઓફિસ પર સારી કમાણી કરી હતી.
કેટરીના છેલ્લે સિદ્ધાંત ચતુર્વેદી અને ઈશાન ખટ્ટર સાથે હોરર કોમેડી ’ફોન ભૂત’ માં જોવા મળી હતી, પરંતુ આ ફિલ્મ બોક્સ ઓફિસ પર ખાસ કમાલ કરી શકી ન હતી. હવે તે જલ્દી જ સલમાન ખાન સાથે ’ટાઈગર ૩’ માં જોવા મળશે. આ સિવાય કેટરીના શ્રીરામ રાઘવનની ફિલ્મ ’મેરી ક્રિસમસ માં વિજય સેતુપતિ સાથે જોવા મળશે.