જૂનાગઢ, જૂનાગઢ જિલ્લાના કેશોદના મેસવાણ ગામમાં કૂવામાં પડવાથી શ્રમિકનું મોત થયું હોવાની ઘટના સામે આવી છે. નારિયેળના ઝાડ પર પગ લપસતા શ્રમિક કૂવામાં ખાબક્યો હતો.
આ ઘટનાની જાણ થતા આસપાસના વિસ્તારમાંથી સ્થાનિક લોકો દોડી આવ્યા હતા. અને ફાયરબ્રિગેડની ટીમને જાણ કરી હતી. ઘટનાની જાણ થતા ફાયરબ્રિગેડની ટીમ તાત્કાલિક ધોરણે ઘટના સ્થળે પહોંચી હતી. ફાયરબ્રિગેડની ટીમે ૪ કલાકની ભારે જહેમત બાદ શ્રમિકનો મૃતદેહ બહાર કાઢ્યો હતો.
બીજી તરફ ભાવનગરમાં સિહોરની રૂદ્રા ગ્લોબલ ઈન્ફ્રા.નામની ફેક્ટરીમાં બ્લાસ્ટ થયો હોવાની ઘટના સામે આવી છે. બ્લાસ્ટના કારણે ૨ શ્રમિકનું મોત નિપજ્યું છે. તો ૪ શ્રમિક ગંભીર રીતે ઈજાગ્રસ્ત છે.મળતી માહિતી અનુસાર લોખંડ ઓગાળતા સમયે બ્લાસ્ટ થયો હતો.