- મુખ્યમંત્રીએ સ્પષ્ટ સૂચના આપી છે કે જો કોઈ અધિકારી સાંભળતો નથી તો તેની સામે નક્કર પુરાવા સાથે ફરિયાદ કરો
યુપીમાં ભાજપ સંગઠનની અંદર, લોક્સભા ચૂંટણીના પરિણામો પછી, સીએમ યોગીની કાર્યશૈલીને લઈને અવાજ ઉઠાવવામાં આવી રહ્યો છે કે નેતાઓ અને કાર્યકરોને સાંભળવામાં આવતા નથી. ડેપ્યુટી સીએમ કેશવ પ્રસાદ મૌર્યએ આડક્તરી રીતે સીએમ પર નિશાન સાધતા હાલમાં જ સરકાર કરતા મોટા સંગઠનની વાત કરી હતી. ત્યારથી, તેઓ સતત તેમની પાર્ટીના કાર્યર્ક્તાઓને જ નહીં પરંતુ સહયોગી પક્ષોના નેતાઓને પણ મળી રહ્યા છે. હવે સીએમ યોગી આદિત્યનાથે પણ ધારાસભ્યો અને જનપ્રતિનિધિઓ સાથે વાતચીતનો રાઉન્ડ શરૂ કર્યો છે. ૧૦ સીટો પર થનારી પેટાચૂંટણીને યાનમાં રાખીને સીએમ યોગીએ ધારાસભ્યો સાથેની બેઠકમાં ઘણી વાતો કહી છે. તેમણે કહ્યું કે કોઈપણ જનપ્રતિનિધિની જીતમાં ૫૦ ટકા ભૂમિકા પક્ષની હોય છે અને ૫૦ ટકા ભૂમિકા ઉમેદવારની હોય છે. તેથી, લોકોની સમસ્યાઓ પ્રત્યે સંવેદનશીલ બનો.
અધિકારીઓ સાંભળતા ન હોવાની ધારાસભ્યોની ફરિયાદ પર મુખ્યમંત્રીએ સ્પષ્ટ સૂચના આપી છે કે જો કોઈ અધિકારી સાંભળતો નથી તો તેની સામે નક્કર પુરાવા સાથે ફરિયાદ કરો. તે અધિકારી સામે તાત્કાલિક કાર્યવાહી કરવામાં આવશે. મુખ્યમંત્રીએ ધારાસભ્યોને વિસ્તારના લોકો સાથે નિયમિત સંવાદ જાળવવા અને તેમની સમસ્યાઓ પ્રત્યે સંવેદનશીલ રહેવાની સલાહ પણ આપી છે. હેલ્મેટ ચેકિંગ દરમિયાન પોલીસની હેરાનગતિ અંગે ધારાસભ્યની ફરિયાદ પર મુખ્યમંત્રીએ કહ્યું કે હેલ્મેટ સલામતી માટે જરૂરી છે. કાયદાનું દરેક ભોગે પાલન થવું જોઈએ. તેમણે કહ્યું કે સપા ૧૦ વર્ષથી સત્તાથી દૂર છે કારણ કે તેમની સરકારમાં કાયદાનું પાલન કરવામાં આવ્યું નથી.
ઉલ્લેખનીય છે કે લોક્સભા ચૂંટણીના પરિણામો બાદ યુપીમાં ભાજપની અંદરની ખેંચતાણ વધી રહી છે. પાર્ટીમાં જ એક ’વિરોધ’ રચાઈ રહ્યો હોય તેવું લાગી રહ્યું છે. મંત્રીઓમાં પણ જૂથવાદ જોવા મળી રહ્યો છે. સોમવારે સીએમ યોગીએ આઝમગઢમાં અધિકારીઓ સાથે સમીક્ષા બેઠક કરી હતી. સુભાસપ નેતા ઓમપ્રકાશ રાજભરને પણ આમંત્રણ આપવામાં આવ્યું હતું પરંતુ તેઓ ત્યાં પહોંચ્યા ન હતા.
પરંતુ તે જ દિવસે સાંજે ડેપ્યુટી સીએમ કેશવ પ્રસાદ મૌર્યને મળવા પહોંચ્યા હતા. આ પછી, મંગળવારે કેશવ પ્રસાદ મૌર્યએ લખનૌમાં નિષાદ પાર્ટીના રાષ્ટ્રીય અધ્યક્ષ અને કેબિનેટ મંત્રી ડૉ. સંજય નિષાદ સાથે તેમની કેમ્પ ઓફિસમાં મુલાકાત કરી. ડૉ. સંજય નિષાદ પણ રાજભર જેવા ઓબીસી નેતા છે અને ચૂંટણીમાં ભાજપની હાર માટે બુલડોઝરની રાજનીતિને જવાબદાર ગણાવી છે. યુપીમાં એનડીએના ખરાબ પ્રદર્શન પર નિષાદે કહ્યું હતું કે બુલડોઝરનો બિનજરૂરી ઉપયોગ હારનું મુખ્ય કારણ છે.
ભાજપની અંદરથી અને સાથી પક્ષો તરફથી ઉઠી રહેલા સવાલો વચ્ચે આશ્ર્ચર્યની વાત એ છે કે સીએમ યોગી આદિત્યનાથે કોઈ ટિપ્પણી કરી નથી અને તેઓ ચૂપચાપ સરકારી કામમાં વ્યસ્ત છે. નિષ્ણાંતો એ વાતથી વધુ આશ્ર્ચર્યમાં છે કે ભાજપની અંદરથી વિરોધ વધી રહ્યો હોવા છતાં સંગઠન તરફથી કડકાઈના કોઈ સંકેત દેખાતા નથી. આ બધું જોતા વિશ્લેષકોનું કહેવું છે કે ૧૦ બેઠકો પર યોજાનારી પેટાચૂંટણી સુધી ભાજપ કદાચ મૌન રહેશે અને પેટાચૂંટણીના પરિણામો પક્ષની અંદર ઉભા થયેલા પ્રશ્ર્નોના જવાબો નક્કી કરશે તેવી પુરી શક્યતા છે.