નવીદિલ્હી,મંગળવારે રાતે મુંબઇમાં દાદા સાહેબ ફાળકે ઇન્ટરનેશનલ ફિલ્મ ફેસ્ટિવલ અવોર્ડ્સનું શાનદાર આયોજન થયું. આ ખાસ ઇવેન્ટમાં બોલિવૂડના તમામ સ્ટાર્સે હાજરી આપી હતી. ઘણા સ્ટાર્સના ફોટોઝ અને વીડિયોઝ ઇન્ટરનેટ પર છવાયેલા છે. આ વચ્ચે શાહિદ કપૂર અને કરીના કપૂરનો એક એવો વીડિયો સામે આવ્યો છે, જેણે સૌકોઇનું ધ્યાન ખેંચ્યુ છે. યુઝર્સનું કહેવું છે કે, અવોર્ડ શોમાં કરીના કપૂરે શાહિદ કપૂરને ઇગ્નોર કર્યો છે.
વાયરલ વીડિયોમાં જોઇ શકાય છે કે, રેડ કાર્પેટ પર શાહિદ કપૂર ફિલ્મમેર્ક્સ રાજ અને ડીકે સાથે જોવા મળી રહ્યો છે. ત્રણેય પેપરાઝી સામે પોઝ આપતા ફોટો ક્લિક કરાવી રહ્યાં છે. ત્યારે જ કરીના કપૂર પણ રેડ કાર્પેટ પર એન્ટ્રી મારે છે અને થોડી સેકેન્ડ માટે શાહિદ કપૂર પાસે ઉભી રહે છે પરંતુ તેની સાથે વાત નથી કરતી, પરંતુ તેની બાજુમાં ઉભા રહેલા મેકરને ગ્રીટ કરીને આગળ નીકળી જાય છે.
આ દરમિયાન કરીના કપૂર હેવી લહેંગો પહેરેલી જોવા મળી. વીડિયોમાં જોઇ શકાય છે કે, કરીના કપૂર થોડી આગળ જઇને ઉભી રહી જાય છે અને પેપરાઝી સામે પોઝ આપવા લાગે છે. સોશિયલ મીડિયા પર દાદા સાહેબ ફાળકે અવોર્ડ્સનો આ વીડિયો ખૂબ વાયરલ થઇ રહ્યો છે.